Daniel
13 Chqä chkipan ri visiones ri xintzʼët chaqʼaʼ xintzʼët chë chpan ri sutzʼ ri ye kʼo chkaj xpë jun ri achiʼel ta rkʼajol jun achï, y xkiyaʼ qʼij che rä rchë ntok akuchï kʼo wä ri Kʼo chik Rjnaʼ chqä xkikʼwaj apü chwäch. 14 Y xyaʼöx uchqʼaʼ pa rqʼaʼ, xyaʼöx rqʼij chqä xyaʼöx jun qʼatbʼäl tzij pa rqʼaʼ rchë chë winäq ri jalajöj kitinamit chqä kichʼaʼäl nkiyaʼ rqʼij. Ri uchqʼaʼ xyaʼöx pa rqʼaʼ majun bʼëy xtesäx ta äl pa rqʼaʼ chqä ri rqʼatbʼäl tzij majun bʼëy xtchup ta rwäch. 26 Ye kʼa ri ye kʼo chpan ri Qʼatbʼäl Tzij xetzʼyeʼ pa kitzʼibʼäl chqä xkesaj ri qʼatbʼäl tzij pa rqʼaʼ rchë nkichüp rwäch. 27 Y ri kiqʼatbʼäl tzij ri qʼatöy taq tzij ri ye kʼo chuxeʼ ri kaj chqä ri uchqʼaʼ ri kʼo pa kiqʼaʼ xyaʼöx pa kiqʼaʼ ri yerchaʼon ri Nimaläj Rqʼij. Ri kiqʼatbʼäl tzij ryeʼ majun bʼëy xtkʼis ta y jontir ri qʼatöy taq tzij kan xtkinmaj kitzij›.