Daniel

12 Chkipan ri qʼij riʼ xtbʼekatäj pä Miguel, ri nimaläj qʼatöy tzij ri paʼäl rchë nutoʼ atinamit. Y xtjeʼ jun nimaläj kʼayewal ri majun bʼëy bʼanatajnäq ta chkipan ri jnaʼ ri xtkïr pä jun tinamït kʼa chkipan ri qʼij riʼ. Ri qʼij riʼ xtkolotäj atinamit, jontir ri tzʼibʼatäl kibʼiʼ chpan ri wuj. 2 Ye kʼïy ri ye warnäq chpan ri jül xkekatäj pä, jojun rchë nkïl ri kʼaslemal ri majun bʼëy xtkʼis ta y jojun chik rchë ntzaq kikʼïx chqä rchë kan jurayil yetzeläx äl. 3 Ri kʼo kinaʼoj kan kowan xketzʼitzʼan achiʼel ri kaj, y ri yekitoʼ ye kʼïy rchë nkikʼwaj jun chöj kʼaslemal xketzʼitzʼan achiʼel ri chʼumilaʼ, y majun bʼëy xkechup ta. 4 Y rït Daniel, ma tawesaj ta rtzjol re tzij reʼ y tatzʼapij ri wuj rchë njaq kʼa chkipan ri rkʼisbʼäl taq qʼij. Ye kʼïy kan xtkinukʼuj rwäch, y ri kantzij etamabʼäl kowan xtkʼiyär. 8 Rïn xinkʼoxaj riʼ, ye kʼa ma xqʼax ta pa njolon. Rma riʼ xinbʼij: «Tat, ¿achkë xtbʼanatäj taq xtbʼetzʼaqät jontir riʼ?». 9 Ryä xuʼij chwä: «Jät äl Daniel, rma re tzij reʼ kʼo chë ma ntel ta rtzjol chqä kʼo chë nakʼöl qa rchë ntzʼet kʼa chkipan ri rkʼisbʼäl taq qʼij. 10 Ye kʼïy xkechʼajchʼobʼëx, xkesaqirsäx chqä achiʼel ta xkechayüx. Y ri itzel taq winäq kan itzel kinaʼoj xtkiʼän y majun ta jun itzel winäq xtqʼax pa rjolon re tzij reʼ. Xa xuʼ ri kan kʼo kinaʼoj xtqʼax pa kijolon. 13 Ye kʼa rït ma kakos ta. Rït xkatuxlan äl, ye kʼa pa rkʼisbʼäl chkë ri qʼij xkakatäj pä chik rchë xtyaʼöx chawä ri kʼo chë nakʼül».