Salmos

46 Rkʼë Dios nqatoʼ wä qiʼ chqä yë ryä nyaʼö pä qachqʼaʼ, ryä ronojel mul nqrtoʼ pä taq kʼo kʼayewal najin yeqaqʼaxaj. 2 Rma riʼ ma xtqaxiʼij ta qiʼ tapeʼ le Rwachʼlew kʼo njalatäj chwäch, tapeʼ ri mamaʼ taq jyuʼ xkebʼä äl chuxeʼ mar, 3 tapeʼ rwiʼ ri mar janina xtwujin chqä xtresaj rwoqoʼ, tapeʼ xkersloj ri mamaʼ taq jyuʼ rma nbʼolqotlaʼ riʼ. 5 Dios kʼo rkʼë rtinamit; rma riʼ majun xtkowin xtchʼakon chrij. Dios xtpë chutoʼik taq xtsaqirsan pä. 6 Ri nkʼaj chik tinamït sachnäq wä chkiwäch, ri qʼatbʼäl taq tzij xechʼak; Dios kuw xtzjon, y le Rwachʼlew kan xslon. 7 Jehová, ri ukʼwayon bʼey chkiwäch ri ángeles, kʼo qkʼë röj; kan rkʼë rDios Jacob nqatoʼ wä qiʼ. 8 Kixampä y titzʼetaʼ achkë najin yeruʼän Jehová, ri rbʼanon jojun chwäch le Rwachʼlew ri kan ntel akʼuʼx chkë. 9 Ryä nuʼän chë nkʼis chʼaʼoj chwäch le Rwachʼlew. Ryä nuqʼäj ri arco chqä ri lanza y yerkʼät pa qʼaqʼ ri chʼichʼ ri yeksäx pa chʼaʼoj. 10 «Ma tipabʼaʼ ta chik iwiʼ chi nwäch y titamaj chë yïn rïn Dios. Rïn xtyaʼöx nqʼij kimä ri winäq; xtyaʼöx nqʼij chwäch ronojel le Rwachʼlew».