Hechos

2 Ryä chqä jontir ri ye kʼo pa rachoch nkiyaʼ wä rqʼij Dios chqä nkixiʼij wä kiʼ chwäch. Cornelio kowan wä yertoʼ ri majun ta achkë kʼo kikʼë chqä chaq taqïl wä nukʼutuj rtoʼik che rä Dios. 9 Chkaʼn qʼij, taq ri achiʼaʼ riʼ ye bʼenäq wä pa bʼey chqä jbʼaʼ ma yeʼapon pa tinamït, Pedro xjoteʼ pa rwiʼ jay rchë xchʼö qʼanäj rkʼë Dios taq jbʼaʼ ma nuʼän nkʼäj qʼij. 30 Cornelio xuʼij: «Pa jun kajiʼ qʼij qa, taq najin wä yichʼö qʼanäj rkʼë Dios re hora reʼ, jbʼaʼ ma las 3 tqaqʼij, chaq kʼateʼ xkʼüt pä riʼ jun achï chi nwäch ri kan ntzʼitzʼan rtzyaq 31 y xuʼij chwä: ‹Cornelio, Dios xkʼoxaj ri xakʼutuj che rä chqä ma rumestan ta ri toʼïk ayaʼon chkë ri ye kʼo pa mebʼaʼïl. 34 Taq Pedro xkʼoxaj riʼ, ryä xuʼij: «Komä nqʼax chi nwäch chë Dios ma yerchaʼ ta ri winäq; 35 ryä yerajoʼ jontir ri nkixiʼij kiʼ chwäch chqä nkiʼän ri ütz tapeʼ xa bʼa achkë na kitinamit. 38 chrij Jesús aj Nazaret, chrij ri achkë rbʼanik Dios xyaʼ ri loqʼoläj rchqʼaʼ pa rwiʼ y xyaʼ uchqʼaʼ pa rqʼaʼ chqä achkë rbʼanik xbʼä chpan jalajöj tinamït rchë xuʼän utzil chkë ri winäq y rchë xerknaj (xerqʼomaj) jontir ri yaʼon wä kʼayewal pa kiwiʼ rma ri Diablo, rma Dios kan kʼo wä rkʼë ryä. 42 Ryä chqä xuʼij chqë chë tqatzjoj ri rchʼaʼäl Dios chkë ri winäq chqä chë kan tzʼaqät rbʼanik tqabʼanaʼ che rä taq xtqatzjoj chë ryä xchaʼöx rma Dios rchë nuqʼät tzij pa kiwiʼ ri ye kʼäs chqä ri ye kamnäq.