Proverbios

4 Ri rbʼeyomal jun winäq nuʼän chë yejeʼ kʼïy rchiʼil, ye kʼa ri winäq ri kʼo pa mebʼaʼïl xtmalïx qa yajün rma ri rchiʼil. 6 Ye kʼïy nkajoʼ yeʼok rchiʼil jun winäq ri nqä chwäch nspan y jontir ye rchiʼil jun winäq ri yeryaʼ spanïk. 7 We jontir ri rchʼalal jun winäq ri kʼo pa mebʼaʼïl itzel nkinaʼ che rä, ¡más na chik ke riʼ xtbʼan che rä kimä ri rchiʼil! Ryä kan nutäj rqʼij chkij rchë ntzjon kikʼë, ye kʼa majun ta jun chkë ryeʼ nrajoʼ ta ntzjon rkʼë. 11 Ri winäq ri kan kʼo rnaʼoj nuqʼät rchqʼaʼ ryowal, y kan jaʼäl che ryä ma nukʼöl ta pa ran ri xbʼan che rä. 14 Ri teʼej tataʼaj nkiyaʼ qa kachoch chqä kibʼeyomal kalkʼwal, ye kʼa ri ixöq ri kan kʼo rnaʼoj kan jun spanïk nuyaʼ Jehová che rä ri achï. 17 Ri nujyowaj rwäch jun winäq ri nkʼatzin rtoʼik kan achiʼel ta najin nuʼän jun qajoʼn che rä Jehová, y ryä kan xttöj riʼ che rä.