Nehemías

8 Y ryeʼ ma xkiyaʼ ta qa xkiskʼij rkʼë nüm kichʼaʼäl ri wuj ri kʼo Rpixaʼ ri kʼaslïk Dios chwäch, chqä kan chöj xkikʼüt achkë ntel chë tzij ri xkiskʼij. Ke riʼ xekitoʼ jontir ri kimolon wä kiʼ chriʼ rchë xqʼax chkiwäch ri najin wä nskʼïx. 9 Y Nehemías, ri qʼatöy tzij chkipan ri qʼij riʼ, ri sacerdote Esdras —ri nresaj chqä rcopias Rpixaʼ Moisés—, chqä ri levitas ri yekitjoj wä ri winäq chrij ri Rpixaʼ Moisés xkiʼij reʼ chkë jontir winäq: «Re qʼij reʼ kan loqʼoläj chwäch Jehová ri iDios. Ma kixoqʼ ta chqä ma kixbʼison ta». Ryeʼ xkiʼij reʼ rma jontir winäq najin wä yeʼoqʼ loman najin nkikʼoxaj Rpixaʼ Moisés. 10 Y Nehemías xuʼij reʼ chkë: «Kixbʼiyïn, titjaʼ ri más ütz rkïl taq wäy chqä tiqmuʼ yaʼ ri jaʼäl yetej, y titaqaʼ rkïl wäy chkë ri majun ta kʼo kikʼë. Rma reʼ qʼij reʼ kan loqʼoläj chwäch Qajaw. Ma kixbʼison ta, rma taq Jehová nuʼän chë kiʼ ikʼuʼx niʼän, ya riʼ xtuʼän chë xtjeʼ iwchqʼaʼ». 11 Y ri levitas xekibʼuchiʼij ri winäq chqä xkiʼij reʼ chkë: «Ma kixoqʼ ta, rma re qʼij reʼ loqʼoläj. Ma kixbʼison ta».