Isaías

7 ¿Kʼo chik jun achiʼel rïn? Si kʼo, ¡kan ttzjon pä, tuʼij pä chwä y tkʼutuʼ chi nwäch si kantzij ri nuʼij! Tuʼij achkë xkebʼanatäj chqawäch apü y ri xkebʼanatäj chrij riʼ, achiʼel nbʼanon pä rïn kan xa xuʼ xinbʼän ri tinamït ri kan ojer chik kʼo pä. 8 Ma tixiʼij ta iwiʼ, ma tiyaʼ ta qʼij chë ya riʼ nuʼän chë majun chik yixkowin ta niʼän. ¿Ma nbʼin ta wä chik chiwä kʼa? ¿Ma xinyaʼ ta rtzjol chiwä? Rïx yïx ntestigos. ¿Kʼo komä jun chik Dios achiʼel rïn? Manä, majun ta chik jun Abʼäj, ma ntaman ta rwäch jun chik›». 9 Jontir ri yebʼanö tyox majun yekʼatzin wä, y jontir ri tyox ri yekiloqʼoqʼej majun xkekʼatzin wä. Ri tyox riʼ ma yekowin ta yetzjon pa rbʼiʼ jun chik rma ma yetzuʼun ta chqä majun ta kitaman. Rma riʼ, ri winäq ri yebʼanö kichë kan xttzaq kikʼïx. 17 Ye kʼa rkʼë ri pa nkʼaj chik nuʼän jun dios, jun tyox. Y nxkeʼ chwäch chqä nuyaʼ rqʼij. Chqä nchʼö rkʼë y nuʼij che rä: «Kinakoloʼ rma rït yït ndios». 22 Xtinbʼän chë achiʼel ta jun sutzʼ xkerküch jontir ri ma ütz ta ye abʼanon rchë ma xkeqʼalajin ta chik, y xtinbʼän chë achiʼel ta jun mamaʼ sutzʼ xkerküch amak. Katzolin pä wkʼë, rma rïn xtinbʼän chë xkatok chik jmul wchë. 27 rïn riʼ ri yibʼin chkë ri yaʼ ri nmaʼq kipan ‹Kixchaqiʼj. Rïn xkenchaqirsaj jontir ri raqän taq yaʼ ri yeʼapon iwkʼë›; 28 rïn riʼ ri yibʼin chrij Ciro ‹Yë ryä xtyuqʼun ntinamit y kan xtuʼän nraybʼal›, chqä yïn riʼ ri yibʼin chrij Jerusalén ‹Xtyak chik jmul›, y chrij ri templo ‹Xtyaʼöx chik jmul ri axeʼel›».