1 Corintios

7 Kan kʼixbʼäl chik chë kan yïx bʼenäq kikʼë ri qʼatbʼäl taq tzij rma jun chʼaʼoj ri kʼo chiwäch. ¿Ma más ta komä ütz niyaʼ qʼij chë ma pa rbʼeyal ta nbʼan iwkʼë? ¿Ma más ta komä ütz niyaʼ qʼij chë yixqʼol rchë yixkileqʼaj? 9 ¿Ma itaman ta rïx chë ri winäq ri ma kikʼwan ta jun jïk kʼaslemal ma xkeʼok ta chpan Rqʼatbʼäl Tzij Dios? Ma tiqʼöl ta iwiʼ. Ri winäq ri yebʼanö tzʼil taq bʼanobʼäl, ri nkiyaʼ kiqʼij tyox, ri nkikanuj rkʼexel kikʼlaj, ri achiʼaʼ ri nkiyaʼ qʼij rchë nbʼan tzʼil taq bʼanobʼäl kikʼë kimä achiʼaʼ, ri achiʼaʼ ri nkiʼän tzʼil taq bʼanobʼäl kikʼë achiʼaʼ, 10 ri alqʼomaʼ, ri yejakʼäkʼ, ri qʼabʼarelaʼ, ri yeyoqʼon chqä ri yekixiʼij ri winäq rchë nkesaj päq chkë ma xkeʼok ta chpan Rqʼatbʼäl Tzij Dios. 11 Jojun chiwä rïx kan xeʼibʼanalaʼ wä ya riʼ ojer. Ye kʼa komä xixchʼajchʼobʼëx yän, yïx loqʼoläj chik chwäch Dios, chqä pa rbʼiʼ ri Qajaw Jesucristo y rkʼë ri loqʼoläj rchqʼaʼ qaDios bʼin chik chiwij chë ikʼwan jun chöj kʼaslemal. 12 Jontir ütz nbʼän, ye kʼa ma jontir ta nukʼäm pä utzil pa nwiʼ. Jontir ütz nbʼän, ye kʼa ma xtinyaʼ ta qʼij chë kʼo jun xtbʼanö chwä chë ma ta xkikowin xtinqʼät wiʼ. 18 ¡Kixanmäj chkiwäch ri tzʼil taq bʼanobʼäl! Xa bʼa achkë na kʼa mak nuʼän jun winäq ri ma rkʼwan ta riʼ kikʼë ri tzʼil taq bʼanobʼäl ma najin ta nmakun rkʼë rchʼakul, ye kʼa ri nbʼanö ri tzʼil taq bʼanobʼäl kan rkʼë rchʼakul najin nmakun wä qa.