Filipenses

4 ye kʼa, we kʼo jun nbʼin chë kʼo rma nukʼuqbʼaʼ rkʼuʼx chrij ri chʼakulaj, ri winäq riʼ ya riʼ rïn. We kʼo jun nuquʼ chë kʼo rma nukʼuqbʼaʼ rkʼuʼx chrij ri chʼakulaj, rïn kan más na chik kʼo rma: 7 Ye kʼa jontir ri kʼo wä kiqʼij chi nwäch, komä kan majun ta chik kiqʼij rma Cristo. 8 Y kan jontir majun ta chik kiqʼij chi nwäch rma ri etamabʼäl ri kan nimaläj rqʼij ri kʼo rkʼë ri Cristo Jesús ri Wajaw. Rma ryä xinyaʼ qa jontir ri kʼo wä wkʼë y kan achiʼel ta jun tzobʼaj mes yentzʼët, rchë chë nchʼäk ri Cristo 11 rchë ke riʼ xkikowin xkinok jun chkë ri xkekʼasöx pä naʼäy chkikojöl ri kamnaqiʼ. 13 Wachʼalal, ma nnaʼ ta rïn chë ya nwlon chik riʼ. Ye kʼa kʼo jun ri kan nyaʼon chwäch wan, ya riʼ nmestaj jontir ri xjeʼ wkʼë ojer chqä ntäj nqʼij rchë nbʼeqʼiʼ ri nyoʼen apü, 14 y rchë nbʼeqʼiʼ ri rtzjun Dios chwä chlaʼ chkaj rma Cristo Jesús. 16 Xa bʼa achkë na kʼa rbʼanik nqchʼobʼon, ma tqayaʼ ta qa rkʼwaxik ri bʼey riʼ tapeʼ kʼuqül chik qakʼuʼx chpan rchʼaʼäl Dios. 17 Wachʼalal, iwonojel rïx tikʼamaʼ inaʼoj chwij rïn chqä tikʼamaʼ inaʼoj chkij ri najin nkikʼwaj jun rbʼanik kʼaslemal achiʼel qakʼutun qa chiwäch.