Génesis

25 José xuʼij kʼa reʼ che rä Faraón: «Ri xrachikʼaj Faraón xa jnan ntel chë tzij. Ri kʼaslïk Dios xuʼij che rä Faraón ri xtuʼän. 26 Ri 7 wakx ri ye tiʼoj ntel chë tzij 7 jnaʼ. Ke riʼ chqä ri 7 rwiʼ trigo ri kan ye nojnäq kipan, ntel chë tzij 7 jnaʼ. Ri achïkʼ xa jnan yeʼel chë tzij. 27 Ri 7 itzel taq wakx ri xa ye bʼaq, ri xepë chkij qa ri naʼäy taq wakx, ntel chë tzij 7 jnaʼ; y ri 7 rwiʼ trigo ri ye chaqiʼj, ri ye kʼatnäq rma ri kaqʼiqʼ ri petenäq akuchï ntel wä ri qʼij, ntel chë tzij 7 jnaʼ wayjal. 28 Ya reʼ kʼa ri nbʼij che rä Faraón: Ri kʼaslïk Dios xuʼän chë Faraón ttzʼetaʼ ri xtuʼän apü. 29 Xkejeʼ 7 jnaʼ ri akuchï kan xtqʼax rwiʼ ri wäy xtjeʼ chwäch ronojel ri tinamït Egipto. 30 Ye kʼa chkij ri jnaʼ riʼ xkepë 7 jnaʼ wayjal, y kan xkemestäx ri naʼäy 7 taq jnaʼ, y ri wayjal kan xtpë chwäch ronojel ri tinamït. 31 Y ri naʼäy 7 taq jnaʼ ma xkenatäx ta chpan ri tinamït rma ri wayjal ri xtpë chrij kan janina nüm xtuʼän. 32 Y rma chë ri achïkʼ kan xkamlüx kaʼiʼ mul che rä Faraón, ntel chë tzij chë ri kʼaslïk Dios kantzij xtuʼän ri xuʼij, y ri kʼaslïk Dios ma xtyalöj ta chubʼanik.