Isaías

3 Y ryä kan jaʼäl xtnaʼ xtnmaj rtzij Jehová. Ryä ma xtqʼät ta tzij xa rma ri nutzʼët o ma xtqʼïl ta jun winäq xa rma ri nukʼoxaj chrij. 4 Ryä kan pa rbʼeyal xtqʼät tzij pa kiwiʼ ri majun ntoʼö kichë y kan pa rbʼeyal xkerqʼïl ri winäq rchë chë ri ma qʼaqʼ ta kijolon ütz yejeʼ. Xtqʼät tzij pa kiwiʼ ri winäq y xtchüp kiwäch ri itzel taq winäq rkʼë rchqʼaʼ rtzij. 6 Ri lobo kan jnan xtjeʼ rkʼë ri aläj karneʼl, ri bʼalän jnan xtuxlan rkʼë ri aläj kʼsïkʼ, y ri aläj wakx, ri köj chqä ri chköp kan jaʼäl tiʼoj, jnan xkejeʼ; ryeʼ jun ti akʼal xtyuqʼun kichë. 7 Ri wakx chqä ri oso jnan xkewaʼ y ri kal kan jnan xkeʼuxlan. Ri köj xttäj qʼayis kan achiʼel nuʼän jun achij wakx. 8 Jun neʼy xtetzʼan akuchï kʼo wä rjul jun cobra, y jun ti akʼal xttzʼapij rsok jun kumätz rkʼë rqʼaʼ. 9 Ryeʼ ma xtkitzʼlaʼ ta ri loqʼoläj njyuʼ, rma le Rwachʼlew kan xtnuj rkʼë rtamabʼal Jehová, kan achiʼel ri yaʼ ri rnujsan ri mar. 10 Ri qʼij riʼ ri rcheʼel Jesé xtkʼïy qʼanäj rchë ntok jun etal chkë ri tinamït. Ri winäq xkeʼapon akuchï kʼo wä rchë nkikanuj kitoʼik, y ri akuchï nuxlan wä kan kowan rqʼij xtjeʼ.