Mateo

16 Rma riʼ xkiʼij reʼ che rä Jesús: «¿Najin nakʼoxaj ri najin nkiʼij?». Ryä xuʼij: «Jaʼ, najin nkʼoxaj. ¿Majun bʼëy xiskʼij ta rïx ya reʼ kʼa: ‹Rït xaʼän chë ri akʼalaʼ chqä ri kʼa najin na yetzʼman nkiyaʼ aqʼij›?». 19 Rma riʼ xtzʼët jun rcheʼ higo chuchiʼ ri bʼey, xjelun apü rkʼë, ye kʼa majun ta rwäch xrïl, xa xuʼ wä rxaq kʼo. Y xuʼij che rä: «Majun b’ëy tya’ ta chik awäch». Kan xa xuʼ xuʼij riʼ ri cheʼ riʼ xchaqiʼj qa. 20 Taq rtzeqelbʼëy xkitzʼët ri xbʼanatäj, kan xsach chkiwäch y xkiʼij: «¿Achkë rma kan chanin xchaqiʼj qa ri rcheʼ higo reʼ?». 21 Jesús xuʼij chkë: «Rïn nbʼij chiwä chë, we kʼo ikʼuqbʼäl kʼuʼx y ma nuʼän ta kaʼiʼ iwan, ma xa xuʼ ta xtiʼän ri xinbʼän rïn che rä ri rcheʼ higo, xa kan xtiʼij chqä che rä re jyuʼ reʼ ‹Katel äl chriʼ y takʼaqaʼ awiʼ pa mar› y kan ke riʼ xtbʼanatäj. 22 Y jontir ri xtikʼutuj che rä Dios, we kʼo ikʼuqbʼäl kʼuʼx, kan xtyaʼöx chiwä».