Isaías

60 Rït ixöq, kakatäj, tqʼalajin asaqil, rma asaqil ya xbʼekʼlun. Chawij rït xtqʼalajin wä rchqʼaʼ Jehová. 2 Jontir le Rwachʼlew xtjeʼ qʼequʼn, yajün ri winäq; ye kʼa Jehová xtyaʼ pä rsaqil pan awiʼ y chawij rït xtqʼalajin wä rchqʼaʼ ryä. 16 Y xtatäj kileche ri tinamït, [...] 17 Xtinkʼäm pä oro pa rkʼexel cobre y plata pa rkʼexel chʼichʼ, cobre pa rkʼexel tzʼalän y chʼichʼ pa kikʼexel abʼäj; y xtinbʼän chë ma xtchʼpü ta ikʼuʼx rma ri samaj xtkiʼän ri yekʼwayon bʼey chiwäch y chë kan pa rbʼeyal xtbʼan che rä jontir rma ri samaj xtkiʼän ri yeyaʼö isamaj. 21 Y jontir ri ye kʼo chpan atinamit xtkikʼwaj jun jïk kʼaslemal; pa kiqʼaʼ ryeʼ xtkanaj wä qa re ilew reʼ chqä ma xtesäx ta chkë. Yë ryeʼ ri cheʼ ri xintïk qa rïn rchë njeʼ más nqʼij. 22 Ri koʼöl molaj xtbʼeʼok na jun mil, y ri tinamït ri majun ta rqʼij xtbʼeʼok na jun tinamït ri kowan rchqʼaʼ. Rïn, Jehová, kan pa rqʼijul xtinbʼän chë chanin xtbʼanatäj riʼ».