Filipenses

9 Y ya reʼ ri nkʼutuj che rä Dios ronojel mul: chë xkixjowan ta kʼa más rma ri tzʼaqät etamabʼäl kʼo iwkʼë chqä rma itaman chik achkë riʼ ri ütz chqä ri ma ütz ta. 10 Rchë ke riʼ xtiʼän ri achkë kʼo más kiqʼij chqä majun ta mak xtilitäj chiwij y ma xkeʼitzäq ta ri nkʼaj chik kʼa taq xtbʼeqä rqʼij Cristo, 11 chqä rchë xtikʼwaj jun chöj kʼaslemal ri niwïl rma Jesucristo, rchë nyaʼöx rqʼij rkʼojlen Dios chqä rchë nnmirsäx ri rbʼiʼ. 12 Wachʼalal, nwajoʼ nbʼij chiwä chë ri kʼayewal najin nqʼaxaj rbʼanon chë ye kʼïy winäq kikʼoxan ri utziläj taq rtzjol, 14 Y komä ye kʼïy chkë ri qachʼalal ri kinman chik chrij ri Ajaw, kikʼuqbʼan más kikʼuʼx rma yïn kʼo pacheʼ y ma najin ta chik nkixiʼij kiʼ nkitzjoj ri rchʼaʼäl Dios. 18 ¿Achkë utzil nukʼäm pä riʼ? Jojun xa rkʼë kaʼiʼ kipaläj najin nkiʼän wä re samaj reʼ y nkʼaj chik kan rkʼë ronojel kan najin nkiʼän wä, tapeʼ ke riʼ, najin ntzjöx chrij Cristo, y ya riʼ kan nuyaʼ kiʼkʼuxlal chwä. Y kantzij na wä chë ronojel mul kan kiʼ nkʼuʼx xtinbʼän 27 Xa xuʼ tikʼwaj jun kʼaslemal ri ma nuqasaj ta rqʼij ri ütz taq rtzjol chrij ri Cristo, [...]