1 Corintios

11 Tikʼamaʼ inaʼoj chwij, kan achiʼel nbʼän rïn ri nkʼän nnaʼoj chrij Cristo. 3 Ye kʼa nwajoʼ chë titamaj chë ri jolomäj pa rwiʼ jun achï ya riʼ ri Cristo, chë ri jolomäj pa rwiʼ jun ixöq ya riʼ ri achï chqä chë ri jolomäj pa rwiʼ Cristo ya riʼ Dios. 23 Rma rïn xinkʼüt chiwäch ri xkʼüt qa ri Ajaw chi nwäch: chë ri Ajaw Jesús, ri aqʼaʼ taq jbʼaʼ ma nyaʼöx pa kiqʼaʼ ri winäq, xkʼän apü jun kaxlanwäy 24 y, taq xtyoxin yän che rä Dios, xwächʼ chqä xuʼij: «Reʼ nukʼambʼej tzij ri nchʼakul ri xtyaʼöx pan iwiʼ rïx. Ma tiyaʼ ta qa rbʼanik reʼ rchë yininataj». 25 Taq xkikʼïs waʼin, ke riʼ chqä xuʼän rkʼë ri copa. Chrij riʼ xuʼij: «Re copa reʼ nukʼambʼej tzij ri kʼakʼakʼ jikibʼäl tzij, ri nchapatäj rma ri nkikʼel. Tibʼanaʼ kʼa reʼ rchë natabʼäl wchë rïn ronojel mul ri xtiqüm rpan re copa reʼ». 26 Rma ronojel mul ri xtitäj ri kaxlanwäy chqä xtiqüm ri vino, kʼa najin na nitzjoj ri rkamik ri Qajaw, kʼa taq ryä xttzolin pä. 27 Rma riʼ, xa bʼa achkë ri xttjö ri kaxlanwäy chqä ri vino rchë ri Ajaw y ma taqäl chrij rchë nuʼän riʼ, kan xtmakun rma xqasaj rqʼij ri rchʼakul chqä ri rkikʼel ri Ajaw.