1 Corintios

2 Tapeʼ rïn nkowin nbʼän profetizar y nqʼax chi nwäch ri naʼoj chrij Dios ri ewatäl ri kan loqʼoläj chqä kowan ntamabʼal y kan kʼo nkʼuqbʼäl kʼuʼx rchë nsloj jun jyuʼ, ye kʼa ma yijowan ta, majun yikʼatzin wä. 3 We nyaʼ jontir ri kʼo wkʼë rchë yentzüq ri nkʼaj chik o nyaʼ nkʼaslemal pa kiwiʼ xa xuʼ rchë nnaʼ wiʼ, ye kʼa ma rma ta yijowan, kan majun xtkʼatzin wä jontir ri xtinbʼän. 4 Ri winäq ri najowan nkochʼon chqä ütz rnaʼoj, ma itzel ta nunaʼ chkë ri nkʼaj chik, ma nunaʼ ta riʼ rma ri rlon o rma ri kʼo rkʼë, 5 ma itzel ta rnaʼoj, ma xa xuʼ ta ryä nuquʼ qa riʼ, ma chanin ta npë ryowal, ma nukʼöl ta qa itzel pa ran, 6 ma ntel ta rkʼuʼx taq jun winäq kʼo ma pa rbʼeyal ta nbʼan rkʼë, xa kan jaʼäl nunaʼ taq pa rbʼeyal nbʼan che rä jontir. 7 Ri winäq riʼ nuköchʼ ri nbʼan che rä, nunmaj ri nbʼix che rä, ma nikʼo ta rkʼuʼx nyoʼen chqä nuköchʼ ri kʼayewal nyaʼöx pa rwiʼ. 8 Ri ajowabʼäl majun bʼëy xtkʼis ta. [...] 11 Taq rïn kʼa yïn akʼal na, yitzjon wä chqä yichʼobʼon wä achiʼel jun akʼal. [...] 13 Tapeʼ ke riʼ, kʼa xtqakʼuqbʼaʼ na qakʼuʼx chrij Dios, kʼa xtqayoʼej na ri utzil tzjun chqë chqä kʼa xtqjowan na. Ye kʼa ri kʼo más rqʼij chkiwäch jontir ya riʼ ri nqjowan.