Eclesiastés

6 Más ütz yatuxlan jbʼaʼ chwäch ri nakamsaj awiʼ pa samaj, rma ri naʼän riʼ, xa achiʼel ta nawajoʼ nachäp ri kaqʼiqʼ. 9 Kʼo más utzil nkikʼül kaʼiʼ winäq rma jnan yesamäj chwäch xa xuʼ jun. 10 Rma we jun chkë ryeʼ ntzaq, ri jun chik nkowin ntoʼ ri rchiʼil rchë nkatäj pä. Ye kʼa, ¿achkë xtbʼanatäj we jun winäq ntzaq y majun ta jun ri ntoʼö rchë? 12 Chqä, jun winäq ri xa ryonïl kʼo rkʼë jbʼaʼ nchʼak rma jun chik, ye kʼa we kʼo jun rchiʼil, che kaʼiʼ yekowin nkitoʼ kiʼ chwäch ri winäq riʼ. Y jun koloʼ ri oxiʼ rwäch ma chaq bʼaʼ ta ntel pa kaʼiʼ. 13 Más ütz jun akʼal ri kʼo rnaʼoj tapeʼ kʼo pa mebʼaʼïl chwäch jun qʼatöy tzij ri kʼo chik rjnaʼ ye kʼa xa majun ta rnaʼoj, ri ma yerkʼül ta chik ri naʼoj nyaʼöx che rä.