Génesis

12 Y Jehová xuʼij ya reʼ che rä Abrán: «Katel äl chpan atinamit, tayaʼ qa awachʼalal chqä ri ye kʼo pa rachoch atat, y jät chpan ri tinamït ri xtinkʼüt rïn chawäch. 2 Rïn xtinbʼän chë xkejeʼ ye kʼïy awalkʼwal, xtinyaʼ utzil pan awiʼ, xtinmirsaj aqʼij chqä xtinbʼän chë ri nkʼaj chik xtkïl utzil awmä rït. 3 Rïn xtinyaʼ utzil pa kiwiʼ ri nkikʼutuj utzil pan awiʼ rït y xtintäq itzel pa kiwiʼ ri nkitäq itzel chawij, y kantzij na wä chë jontir ri familias ri ye kʼo chwäch Rwachʼlew xtyaʼöx utzil pa kiwiʼ awmä rït». 4 Rma riʼ, Abrán xuʼän ri xuʼij Jehová che rä chqä xbʼä äl, y Lot chqä xbʼä äl rkʼë. Abrán kʼo wä 75 rjnaʼ taq xel äl Harán.