Génesis

2 Ke riʼ xkʼis rbʼanik ri kaj, le Rwachʼlew chqä jontir ri ye kʼo chkiwäch. 2 Taq xbʼeqä ri séptimo qʼij, Dios ya rkʼison wä chik rsamaj. Y, chpan ri séptimo qʼij, Dios xuxlan che rä jontir ri samaj ri najin wä nuʼän. 3 Rma riʼ Dios xuʼän loqʼoläj che rä ri séptimo qʼij, rma chpan ri qʼij riʼ ryä najin nuxlan che rä jontir ri samaj xuʼän chqä che rä jontir ri samaj ri xyaʼ chwäch nuʼän. 4 Ya reʼ xbʼanatäj chpan ri tiempo taq xbʼan ri kaj chqä le Rwachʼlew, ri qʼij taq Jehová xuʼän ri kaj chqä le Rwachʼlew. 7 Chrij riʼ, Jehová Dios xuʼän ri achï rkʼë poqlaj y xxpuj pa rtzaʼn ri rxlaʼ yaʼ ri nuyaʼ kʼaslemal. Ya riʼ xuʼän chë ri achï xjeʼ rkʼaslemal. 15 Y Jehová Dios xyaʼ ri achï chwäch ri jardín de Edén rchë nusmajij chqä nuchajij. 16 Chqä, Jehová Dios xyaʼ re pixaʼ reʼ che rä ri achï: «Jontir cheʼ ri kʼo chwäch ri jardín ütz natäj kiwäch kʼa ajän xkanuj. 17 Ye kʼa ri cheʼ rchë ri etamabʼäl chrij ri ütz chqä ri itzel, ma tatäj ta rwäch. Rma ri qʼij ri xtatäj rwäch, kantzij na wä chë xkakäm». 18 Chrij riʼ, Jehová Dios xuʼij: «Ma ütz ta chë ri achï njeʼ ryonïl. Rïn xtinbʼän jun rchiʼil ri xttzʼaqatsan rchë». 22 Y ri rupox ri xresaj Jehová Dios xuʼän jun ixöq che rä y xkʼwaj äl che rä ri achï. 23 Rma riʼ, ri achï xuʼij: «Kʼa riʼ xintzʼët rwäch jun ri rkʼwan nbʼaqil chqä ri rkʼwan nchʼakul. Xtbʼix Ixöq che rä, rma rkʼë ri achï xel wä pä». 24 Rma riʼ, ri achï xtyaʼ qa rteʼ chqä rtataʼ, y rkʼë rxjayil xtjeʼ wä, y xkeʼok xa jun chʼakulaj.