Lucas

9 Rma riʼ, ryä xuʼij chkë: ma kixtaneʼ ta chukʼutxik, y xtyaʼöx chiwä; ma kixtaneʼ ta chukanuxik, y xtiwïl; ma kixtaneʼ ta rchë nikokaj rchiʼ jun jay, y xtjaq rchiʼ ri jay chiwäch. 11 Rma, ¿kʼo komä jun tataʼaj chikojöl rïx, we rkʼajol nukʼutuj jun kär che rä, xa jun kumätz xtyaʼ che rä pa rkʼexel jun kär? 12 O, we nukʼutuj jun saqmoloʼ che rä, ¿xtyaʼ komä jun alacrán che rä? 13 Rma riʼ, we rïx tapeʼ yïx ajmakiʼ, itaman niyaʼ utziläj taq spanïk chkë ri iwalkʼwal, ¡más na chik ri Qatataʼ ri kʼo chkaj xtyaʼ ri loqʼoläj rchqʼaʼ pa kiwiʼ ri yekʼutun che rä!». 27 Ye kʼa taq ryä najin nuʼij ronojel ri tzij riʼ, jun ixöq ri kʼo chkikojöl ri winäq rkʼë kuw rchʼaʼäl xuʼij apü: «¡Kan kiʼ rkʼuʼx ri ixöq ri xatekʼwan taq majanä kataläx chqä ri tzʼumäj ri xatäj!». 28 Ye kʼa ryä xuʼij: «Manä, ¡kiʼ kikʼuʼx ri nkiyaʼ kixkïn che rä rchʼaʼäl Dios chqä nkismajij!».