Eclesiastés

11 Takʼaqaʼ away pa yaʼ, rma, tapeʼ xkeqʼax ri qʼij, kan xtabʼewlaʼ chik jmul. 4 Ri winäq ri xa chrij ri kaqʼiqʼ nbʼä wä rkʼuʼx ma xttkonäj ta qa y ri winäq ri xa sutzʼ nutzuʼ ma xtmöl ta rtkoʼn. 5 Achiʼel rït ma ataman ta achkë rbʼanik nsamäj ri espíritu chpan rbʼaqil jun ti neʼy ri nkʼïy pä chpan rteʼ, ke riʼ chqä ma ataman ta achkë qäs yeruʼän ri kʼaslïk Dios, ri nbʼanö rchë ronojel. 6 Kan nmaqʼaʼ yän tatikaʼ ri awijaʼtz, chqä ma katuxlan ta kʼa taq xtqä qa qʼij, rma ma ataman ta akuchï xkeʼel wä pä, aweʼ o chriʼ, o kan chkaʼiʼ ütz xkeʼel. 9 Rït ri kʼa yït kʼajol na, kiʼ akʼuʼx tabʼanaʼ chpan akʼaslemal loman majanä nbʼä ajnaʼ. Tabʼanaʼ ri nurayij awan chqä jät akuchï nawajoʼ wä rït. Ye kʼa tatamaj chë ri kʼaslïk Dios xtqʼät tzij pan awiʼ rma jontir ri xtaʼän. 10 Rma riʼ tawesaj pan awan ri nbʼanö chawä chë nchʼpü akʼuʼx chqä ma taʼän ta jun ri xa nutzʼlaʼ achʼakul, rma ri jnaʼ taq k’a yït akʼal chqä ri kʼo awchqʼaʼ kan chaq bʼaʼ yeqʼax.