Malaquías

6 «Rïn yïn Jehová y ma njalon ta nnaʼoj. Y rïx yïx ralkʼwal qa Jacob y majanä kixkʼis chwäch le Rwachʼlew. 7 Kan pa kiqʼij qa ri iwatiʼt imamaʼ, rïx ma inman ta ri npixaʼ chqä ma yeʼismajin ta. Kixtzolin pä wkʼë, y rïn xkitzolin iwkʼë», ya riʼ ri nuʼij Jehová, ri ukʼwayon bʼey chkiwäch ri ángeles. Ye kʼa rïx niʼij: «¿Achkë rbʼanik naʼij rït chë nqtzolin awkʼë?». 10 Tikʼamaʼ pä jontir ri diezmos chpan ri jay akuchï nkʼol wä jontir wäy rchë njeʼ wäy pa wachoch. Tibʼanaʼ utzil, kan tibʼanaʼ ya riʼ —nuʼij Jehová ri kʼwayon bʼey chkiwäch ri ángeles— y xtitzʼët chë achiʼel ta xtinjäq ri kaj rchë xtinyaʼ utzil pan iwiʼ kʼa taq xtjeʼ jontir ri nkʼatzin chiwä». 16 Chpan qa ri qʼij riʼ, ri winäq ri ma nkiqasaj ta wä rqʼij Jehová xkichäp tzij chkiwäch. Y Jehová najin wä nuyaʼ pä rxkïn chkë. Y chwäch ryä xchapatäj rtzʼibʼaxik jun wuj rchë ma yemestäx ta ri winäq ri ma nkiqasaj ta rqʼij Jehová chqä ri yechʼobʼon chrij rbʼiʼ. 17 «Ryeʼ xkeʼok wchë rïn ri qʼij taq xtinbʼän chë xkeʼok ri nimaläj ntinamit —ya riʼ nuʼij Jehová, ri ukʼwayon bʼey chkiwäch ri ángeles—. Xtinjyowaj kiwäch kan achiʼel nuʼän jun tataʼaj ri nujyowaj rwäch ri rkʼajol ri nunmaj rtzij. 18 Rïx xkixkowin xtitzʼët chik jmul achkë winäq kan chöj rkʼaslemal y achkë kan jun itzel winäq, achkë winäq nuyaʼ rqʼij Dios y achkë ma nuyaʼ ta rqʼij».