Filipenses

3 Ronojel ri niʼän, ma tiʼän ta xa rchë niyaʼ kʼayewal pa kiwiʼ ri nkʼaj chik chqä ma rchë ta xa xuʼ rïx niwïl utzil, xa kan tiqasaj iwiʼ y titzʼetaʼ chë ri nkʼaj chik kʼo más kiqʼij chiwäch rïx, 4 chqä ma tiʼän ta xa xuʼ ri nkʼatzin chiwä rïx, xa tibʼanaʼ chqä ri nkʼatzin chkë ri nkʼaj chik. 5 Ma tiyaʼ ta qa ri naʼoj ri xjeʼ rkʼë ri Cristo Jesús; 6 tapeʼ achiʼel wä Dios ri rbʼanik, ma xquʼ ta chë nkanaj qa pa rkʼexel Dios chqä chë nujnamaj riʼ rkʼë Dios. 7 Manä, pa rkʼexel riʼ, xa xyaʼ qa ronojel ri kʼo wä rkʼë rchë xok jun winäq chqä rchë xok achiʼel jun samajel ri majun ta rqʼij. 8 Y taq xok jun achï, xqasaj riʼ chqä xnmaj tzij kʼa taq xkäm, jaʼ, kʼa taq xkäm chwäch jun cheʼ rchë tijöj poqonal. 10 rchë pa rbʼiʼ Jesús jontir yexkeʼ —ri ye kʼo chkaj, chwäch le Rwachʼlew chqä chuxeʼ le ilew— 11 y jontir winäq tkesaj rtzjol chë Jesucristo ya riʼ ri Ajaw rchë nyaʼöx rqʼij Dios ri Qatataʼ. 13 Rma Dios, ri kan nrajoʼ nuʼän reʼ, najin nsamäj pan iwan, y ryä ma xa xuʼ ta nuʼän chë nirayij niʼän rraybʼal, xa kan nuyaʼ chqä iwchqʼaʼ rchë niʼän riʼ. 14 Tibʼanaʼ kʼa ronojel reʼ, ye kʼa ma kixchʼojin ta chqä ma titzür ta iwiʼ chiwäch, 19 Komä nyoʼej chë, we Qajaw Jesús nrajoʼ, ntäq yän äl Timoteo iwkʼë rchë kiʼ nkʼuʼx nbʼän taq nkʼoxaj achkë ibʼanon rïx. 20 Rma majun ta chik jun kʼo wkʼë achiʼel rnaʼoj ryä, rma ryä kan nchʼpü chiwij rïx. 21 Rma ri nkʼaj chik xa yë ri nkajoʼ ryeʼ nkikanuj y ma yë ta ri nrajoʼ Jesucristo. 22 Ye kʼa rïx itaman chë ryä kan ütz yetzjon chrij, rma ryä kan rkʼë ronojel ran xirtoʼ rchë xqatzjoj ri ütz taq rtzjol, achiʼel nuʼän jun kʼajol rkʼë rtat.