Proverbios

2 Más ütz chë jun chik winäq nyaʼö aqʼij chwäch xa rït yabʼanö riʼ; más ütz chë jun chik tbʼin ya riʼ y ma rït ta. 5 Más ütz yatkiqʼïl chwäch ri yatkajoʼ ye kʼa ma nkiʼij ta chawä. 6 Kan ütz ri sokotajïk nuʼän jun awachiʼil chawä xa rma yatrajoʼ. Ye kʼa ri akʼulel, kan kʼïy mul nutzʼmaj achiʼ. 9 Ri aceite chqä ri pon nkiʼän chë kiʼ akʼuʼx naʼän, ke riʼ chqä nanaʼ taq jun winäq ntok awachiʼil rma xyaʼ jun utziläj anaʼoj. 11 Takʼutuʼ chë kʼo anaʼoj walkʼwal chqä tabʼanaʼ chë kiʼ nkʼuʼx nbʼän, ke riʼ xkikowin xtintoʼ wiʼ chwäch ri nuʼij ri nyoqʼö wchë. 12 Ri winäq ri kʼo rnaʼoj nutzʼët apü ri kʼayewal y nrewaj riʼ chwäch, ye kʼa ri majun ta kinaʼoj yebʼä apü y nkibʼewlaʼ ri kʼayewal. 17 Achiʼel jun chʼichʼ ri nresaj rey jun chik chʼichʼ, ke riʼ chqä nbʼanatäj rkʼë jun achï taq nutoʼ ri rchiʼil. 23 Tatamaj kiwäch ri akarneʼl; kan ütz keʼachajij.