Mateo

21 Ryeʼ xkiʼij: «Rchë César». Rma riʼ, ryä xuʼij chkë: «Titojoʼ kʼa che rä César ri rchë César, ye kʼa che rä Dios ri rchë Dios». 29 Jesús xuʼij reʼ chkë: «Rïx xa yïx sachnäq, rma ma nqʼax ta ri Loqʼoläj taq Wuj chiwäch nixta itaman achkë rbʼanik nsamäj rchqʼaʼ Dios. 36 «Tijonel, ¿achkë riʼ ri pixaʼ más rqʼij chpan ri Rpixaʼ Moisés?». 37 Ryä xuʼij che rä: «‹Tawajoʼ Jehová ri aDios rkʼë ronojel awan, rkʼë ronojel akʼaslemal chqä rkʼë ronojel achʼobʼonik›. 38 Ya riʼ ri naʼäy pixaʼ chqä ri más rqʼij. 39 Ri rkaʼn, ri jnan bʼaʼ rkʼë riʼ, ya riʼ: ‹Keʼawajoʼ ri winäq achiʼel nawajoʼ qa awiʼ rït›. 40 Chkij re kaʼiʼ pixaʼ reʼ ntzjon wä ri Rpixaʼ Moisés chqä ri xkitzʼibʼaj qa ri profetas». 41 Chrij riʼ, taq ri fariseos kimolon wä kiʼ chriʼ, Jesús xkʼutuj chkë: 42 «¿Achkë niquʼ rïx chrij ri Cristo? ¿Achoq rkʼajol komä ryä?». Ryeʼ xkiʼij: «Rkʼajol David». 43 Ryä xkʼutuj chik chkë: «¿Achkë kʼa rma David, rkʼë rtoʼik ri loqʼoläj rchqʼaʼ Dios, nuʼij Wajaw che rä? Rma ryä xuʼij: 44 ‹Jehová xuʼij che rä ri Wajaw: «Katzʼyeʼ pa nderecha kʼa taq xtinyaʼ jontir ri akʼulel chuxeʼ ri awaqän»›. 45 We David nuʼij Wajaw che rä, ¿achkë kʼa rma nbʼix chë Cristo ya riʼ rkʼajol?».