Juan

14 «Ma tsach ta ikʼuʼx. Tikʼutuʼ chë kʼo ikʼuqbʼäl kʼuʼx chrij Dios, y tikʼutuʼ chë kʼo ikʼuqbʼäl kʼuʼx chwij rïn chqä. 2 Chpan ri rachoch Ntataʼ kan kʼo akuchï ütz yixjeʼ wä rïx. Xa ta ma ke riʼ ta, rïn xinbʼij ta chiwä, rma rïn xkibʼä äl rchë xtinbʼebʼanaʼ rbʼanik akuchï xkixjeʼ wä. 3 Chqä, taq rïn ya xkibʼä äl chqä ya xtinbʼän rbʼanik akuchï xkixjeʼ wä, xkitzolin pä chik chqä xkixinkʼül pa wachoch, y xkixintzʼibʼaʼ chi nxkïn; rchë ke riʼ akuchï xkijeʼ wä rïn chriʼ chqä xkixjeʼ wä rïx. 6 Jesús xuʼij che rä: «Rïn yïn ri bʼey, ri kantzij chqä ri kʼaslemal. Majun ta jun nkowin napon rkʼë ri Ntataʼ we ma wmä ta rïn. 9 [...] Ri yirtzʼeton rïn rtzʼeton ri Ntataʼ chqä. [...] 10 ¿Ma nanmaj ta chë rïn kan jnan rbʼanon nwäch rkʼë Ntat chqä chë Ntat kan jnan rbʼanon rwäch wkʼë rïn? Ri achkë nbʼij rïn chiwä ma nnaʼoj ta rïn, rma Ntat ri kan jnan rbʼanon rwäch wkʼë, najin yirksaj rïn rchë nuʼän ri nrajoʼ ryä. 12 Kantzij nbʼij chiwä, chë xa bʼa achkë ri rkʼuqbʼan rkʼuʼx chwij rïn, xtuʼän chqä ri samaj achiʼel nbʼän rïn, y xtuʼän samaj más nmaʼq chwäch ri xenbʼän rïn, rma rïn ya nchäp nbʼey rchë yitzolin rkʼë Ntataʼ. 13 Chqä, xa bʼa achkë na kʼa nikʼutuj pa nbʼiʼ, rïn xtinbʼän, rchë chë ri Ntataʼ nyaʼöx rqʼij xa wmä rïn. 14 We rïx kʼo nikʼutuj pa nbʼiʼ, rïn xtinbʼän. 15 We rïx yiniwajoʼ, xkeʼismajij ri npixaʼ. 21 Xa bʼa achkë ri nuyaʼ rxkïn che rä npixaʼ chqä yersmajij, kantzij yirajoʼ. Y ri yirajoʼ rïn, xtjowäx rma ri Ntataʼ; y rïn xtinwajoʼ ryä chqä xtinyaʼ qʼij chë xttamaj nwäch». 27 Rïn xtinbʼän chë rïx ma xtchʼpü ta ikʼuʼx (xkixmayon), achiʼel rïn ma nchʼpü ta nkʼuʼx. Ye kʼa ri rbʼanik xtinbʼän riʼ ma achiʼel ta ri rbʼanik nkiʼän ri winäq. Ma tchʼpü ta ikʼuʼx chqä ma tixiʼij ta iwiʼ. 28 Rïx xikʼoxaj taq xinbʼij chiwä: ‹Xkibʼä äl, ye kʼa xkitzolin na pä iwkʼë›. We rïx yiniwajoʼ, kan xttel ikʼuʼx chë rïn xkibʼä äl rkʼë ri Ntataʼ, rma ri Ntataʼ kʼo más rqʼij chi nwäch rïn. 30 [...] ri qʼatöy tzij rchë le Rwachʼlew ya npë. Y ryä ma xtuqʼät ta tzij pa nwiʼ rïn. 31 Ye kʼa, rchë chë ri winäq nkitamaj chë kowan nwajoʼ Ntataʼ, nbʼän jontir ri rchlaʼen pä Ntataʼ chwä. Kixkatäj, joʼ äl.