Proverbios

6 Taq najin wä yitzuʼun äl pa nventana, chukojöl nbalcón, xitzuʼun qa pa xlan 7 y, taq najin wä yentzʼët ri majun ta kinaʼoj, xintzʼët jun kʼajol ri majun ta na rnaʼoj. 8 Ryä nbʼä wä chpan ri bʼey ri naqaj nqʼax wä äl che rä akuchï njeʼ wä ri ixöq riʼ y nbʼä wä chpan ri bʼey ri nbʼä chrachoch ri ixöq. 9 Ya riʼ wä nuʼän taq ya xqä qa ri Qʼij, taq ya ntok qa aqʼaʼ, taq ya nuʼän qʼequʼn. 13 Ryä nbʼerkʼamaʼ pä chqä nutzʼmaj rchiʼ; y kan majun rkʼïx nuʼij reʼ che rä: 14 «Nkʼatzin wä ntzüj spanïk chwäch Dios rchë ryä kiʼ rkʼuʼx nuʼän wkʼë. Re qʼij reʼ xinbʼän ri ntzjun che rä Dios. 21 Ryä kan chaq bʼaʼ nuʼän chë ri kʼajol nunmaj qa rtzij. Y yerksaj jaʼäl taq tzij rchë nuʼän chë ri kʼajol nrajoʼ njeʼ rkʼë. 22 Chaq kʼateʼ, ryä nbʼä chrij ri ixöq, achiʼel jun achij wakx ri nkʼwäx akuchï nkamsäx wä, achiʼel jun nakanïk ri njuʼüx rqʼaʼ raqän chpan kaʼiʼ cheʼ rchë nkʼaj rwäch, 23 k’a taq jun flecha nqʼax chpan r·hígado. Achiʼel jun paloma ri kan chanin nqä chpan jun trampa, ryä ma qʼaxnäq ta chwäch chë xa pa kamïk xtbʼä wä. 25 Ma tayaʼ ta qʼij chë nbʼä awan chrij ri nuʼän ryä. Ma kabʼä ta chpan ri bʼey ri rkʼwan ryä. 26 Rma ryä kan ye kʼïy yerqʼolon chik; kan ye kʼïy ri yerkamsan.