Jueces

14 Taq ri filisteos xkitzʼët chë xapon Lehí, kan xkiräq kichiʼ achiʼel nkiʼän taq yechʼakon. Loman najin nbʼanatäj riʼ, Jehová xyaʼ rchqʼaʼ ryä, y ri koloʼ ri xmïl chuqʼaʼ xetʼubʼtʼäj achiʼel nuʼän ri chij lino taq yekʼat rma qʼaqʼ y ri chʼichʼ ri ye kʼo chuqʼaʼ achiʼel ta xeyiʼär qa. 15 Ryä xrïl xerëy jun bʼür ri majanäj ta tkäm qa, xkʼwaj äl y xerkamsaj ye 1,000 achiʼaʼ rkʼë riʼ. 16 Ya riʼ taq Sansón xuʼij reʼ: «¡Rkʼë xerëy jun bʼür..., jun molaj, kaʼiʼ molaj! Rkʼë xerëy jun bʼür xenkamsaj ye 1,000 achiʼaʼ». 18 Sansón kowan xchaqiʼj rchiʼ chqä xuʼij reʼ che rä Jehová: «Rït xabʼanö chë rïn, ri asamajel, xichʼakon chkij ri achiʼaʼ riʼ. ¿Y komä xkikäm chë chaqiʼj chiʼ chqä xkiqä pa kiqʼaʼ ri ma ye nwinaq ta?». 19 Rma riʼ Dios xuʼän chë xel pä yaʼ chpan jun jül ri kʼo Lehí. Sansón xtäj ryaʼ, xpë chik jmul rchqʼaʼ chqä xtzolin pä ran. Rma riʼ, ri yaʼ riʼ ri kʼa kʼo na Lehí komä, ryä xuʼij En-Hacore che rä.