2 Crónicas

26 Chrij riʼ, jontir ri ye kʼo Judá xkiʼän qʼatöy tzij che rä Uzías, ri kʼo wä 16 rjnaʼ, rchë xqʼät tzij pa rkʼexel Amasías, ri rtataʼ. 2 Ryä xuʼän chik rbʼanik ri tinamït Elot y xtzolij che rä Judá taq xkäm rtataʼ, ri qʼatöy tzij. 3 Uzías 16 wä rjnaʼ taq xbʼan qʼatöy tzij che rä, y 52 jnaʼ xqʼät tzij pa rwiʼ Jerusalén. Ri rteʼ ya riʼ Jecolías ri aj Jerusalén. 4 Ryä nuʼän wä ri nqä chwäch Jehová, achiʼel xuʼän Amasías, ri rtataʼ. 5 Uzías xkanuj Dios pa rqʼij qa Zacarías, ri xkʼutü chwäch nuxiʼij riʼ chwäch ri kʼaslïk Dios. Chkipan ri qʼij ri xkanuj Jehová, ri kʼaslïk Dios xuʼän chë jontir ütz xel chwäch. 16 Ye kʼa taq xjeʼ más uchqʼaʼ pa rqʼaʼ, ryä kan kowan xnaʼ riʼ. Rma riʼ xa xkanuj qa kʼayewal chrij chqä xqʼäj rtzij Jehová, ri rDios, rma xok chpan rtemplo Jehová rchë xbʼerporoj pon pa rwiʼ ri altar ri akuchï nporöx wä pon. 18 Ryeʼ xkipabʼaʼ kiʼ chwäch ri qʼatöy tzij Uzías chqä xkiʼij che rä: «¡Uzías, ma pan aqʼaʼ ta rït yaʼon wä qa naporoj pon chwäch Jehová! Xa xuʼ ri sacerdotes ütz nkiporoj pon, rma ryeʼ ye rjatzul qa Aarón, ri yechaʼon rma Dios. Katel äl pa rachoch Dios; rït xa xaqʼäj rtzij chqä Jehová Dios ma kiʼ ta rkʼuʼx awkʼë rma ri xaʼän».