Hebreos

12 Rma ri rchʼaʼäl Dios kan kʼäs y kʼo rchqʼaʼ. Kʼo más rey chwäch xa bʼa achkë espada ri kaʼiʼ rey, y nkowin nujäch ri alma rkʼë ri espíritu chqä ri akuchï nkitün wä kiʼ kaʼiʼ bʼaq rkʼë ri kʼo chpan ri bʼaq, y nkowin nukʼüt achkë nqachʼöbʼ chqä ri nurayij qan. 14 Rma riʼ, rma kan kʼo jun nimaläj qasumo sacerdote ri xapon chlaʼ chkaj —Jesús, ri Rkʼajol Dios—, kan tqatjaʼ qaqʼij rchë qtzjon kikʼë ri winäq chrij ryä. 15 Ri qasumo sacerdote kan nunaʼ ri nqanaʼ röj chqä, rma riʼ nujyowaj qawäch. Ryä ya xqʼax yän chpan jontir kʼayewal ri nqaqʼaxaj röj, ye kʼa ryä majun ta rmak. 16 Rma riʼ, kan rkʼë kʼuqbʼäl kʼuʼx qjelun rkʼë ri trono rchë ri rtzil Dios ri ma taqäl ta chqij nqakʼül, rchë ke riʼ njyowäx qawäch y nqakʼül ri utzil riʼ ri qʼij ri más nkʼatzin qatoʼik.