Efesios

11 Ya reʼ rkʼwan riʼ rkʼë rraybʼal ryä, ri majun bʼëy xtjalatäj ta, ri rkʼwan riʼ rkʼë ri Cristo, ntel che tzij ri Qajaw Jesús. 13 Rma riʼ nbʼij chiwä chë ma kixbʼison ta rma ri kʼayewal ri najin nqʼaxaj rïn iwmä rïx, rma jontir reʼ xtkʼatzin rchë xtyaʼöx iqʼij rïx. 14 Rma riʼ yixkeʼ chwäch ri Qatataʼ, 15 ri xuʼän jontir ri familias ri ye kʼo chkaj chqä chwäch le Rwachʼlew. 16 Rïn yichʼö rkʼë ryä rchë xtyaʼ pä iwchqʼaʼ rïx rkʼë ri loqʼoläj rchqʼaʼ 17 chqä rchë, rma ri ikʼuqbʼäl kʼuʼx rïx, ri Cristo xtjeʼ pan iwan. Chqä yichʼö rkʼë Dios rchë kuw nichäp iwiʼ rkʼë ri Cristo kan achiʼel nuʼän rkʼamal jun cheʼ chpan ri ilew chqä rchë majun ta jun xtslon iwchë, 18 rchë ke riʼ rïx chqä jontir qachʼalal, ri ye loqʼoläj, xkixkowin xtqʼax chiwäch jontir ri kʼo chpan Rchʼaʼäl Dios 19 chqä rchë nitamaj jaruʼ nqrajoʼ ri Cristo, ri kʼo más rqʼij chwäch ri qataman röj, rchë ke riʼ xtikʼül jontir ri nuyaʼ Dios chiwä. 20 Ryä, ri rma rchqʼaʼ —ri najin nsamäj pa qakʼaslemal— kan nkowin nuʼän más chwäch ri qakʼutun o qayoʼen röj,