Jueces

4 Chrij riʼ ryä xbʼä ran chrij Dalila, jun ixöq ri kʼo chpan ri jyuʼ Sorec. 17 Rma riʼ, ryä xuʼij che rä achkë nyaʼö rchqʼaʼ. Ryä xuʼij: «Majun bʼëy qpin ta nwiʼ, rma rïn yïn jun rnazareo Dios kan xa xuʼ xinaläx. We xtqpïx nwiʼ, rïn xtkʼis wchqʼaʼ chqä xkinok achiʼel xa bʼa achkë achï». 25 Rma kan kowan kiʼ kikʼuʼx, ryeʼ xkiʼij: «Tikʼamaʼ pä Sansón rchë nqtzeʼen jbʼaʼ chrij». Rma riʼ xkesaj pä Sansón pacheʼ rchë yetzeʼen chrij y xkipabʼaʼ chukojöl ri columnas. 28 Y Sansón xuʼij reʼ che rä Jehová: «Nimaläj Qʼatöy Tzij Jehová, tabʼanaʼ utzil, ma kinamestaj ta. Tabʼanaʼ utzil, nimaläj Dios, tayaʼ wchqʼaʼ tapeʼ xa xuʼ jmul chik. Tayaʼ qʼij chwä rchë ntzolij rkʼexel chkë ri filisteos rma jun chkë ri kaʼiʼ nwäch». 29 Rma riʼ Sansón xchäp ri kaʼiʼ raqän jay ri kʼo wä pa rnikʼajal ri jay. Rkʼë ri rqʼaʼ derecha xchäp jun chkë ri raqän jay riʼ, y rkʼë ri izquierda, xchäp chik le jun. 30 Ya riʼ taq kan rkʼë kuw rchʼaʼäl xuʼij reʼ: «¡Kikäm kikʼë ri filisteos!». Rma riʼ kan rkʼë jontir rchqʼaʼ xnïm ri kaʼiʼ raqän jay riʼ, y ri jay xtzaq pä chkij ri qʼatöy taq tzij chqä chkij jontir ri winäq ri ye kʼo wä chriʼ. Kan más ye kʼïy winäq xerkamsaj Sansón taq xkäm ke chwäch ri xerkamsaj taq kʼa kʼäs na.