Proverbios

18 Ri nuyonij äl riʼ xa yë ri nrajoʼ ryä nukanuj; ma nukʼän ta ri utziläj taq naʼoj yeyaʼöx che rä. 2 Ri winäq ri majun ta rnaʼoj ma nqä ta chwäch kʼo nukʼut chwäch; pa rkʼexel riʼ xa xuʼ nrajoʼ nuʼij achkë yerquʼ. 11 Chwäch jun bʼeyon, ri rbʼeyomal kan achiʼel jun tinamït ri kʼo mamaʼ taq tzʼaq chrij; pa rjolon ryä, kan achiʼel jun tzʼaq ri nchajin rchë. 13 We jun winäq nchʼö yän apü taq majanä tkʼoxaj jontir ri xbʼanatäj, xa majun ta rnaʼoj chqä xa nutzäq rkʼïx. 15 Ri winäq ri nqʼax jun naʼoj pa rjolon kan kʼo nutamaj, y ri winäq ri kʼo rnaʼoj, yë ri etamabʼäl xtrajoʼ xtyaʼ rxkïn che rä. 17 Ri winäq ri napon naʼäy rchë nbʼeruʼij ri xbʼanatäj rkʼë, achiʼel ta kantzij ri nuʼij, kʼa taq napon jun chik winäq rchë nukʼöt rchiʼ. 19 Más kʼayewal xkatzjon rkʼë jun awachʼalal ri xa ryowal chawä chwäch ri yatok apü chpan jun tinamït ri kʼo mamaʼ taq tzʼaq chrij, y kʼo chʼaʼoj ri ye achiʼel trancas ri yeyaʼöx chuchiʼ jun kowiläj jay. 21 Ri rbʼanik nuksaj raqʼ jun winäq nukʼäm pä kamïk chqä kʼaslemal; ri kan nqä chkiwäch yetzjon xtkïl utzil o kʼayewal rma ri xtkiʼij. 22 Ri nilö jun utziläj rxjayil nrïl jun nimaläj bʼeyomäl chqä Jehová kan kiʼ rkʼuʼx xtuʼän rkʼë. 24 Ye kʼo achiʼil ri xa kiyoʼen ajän nkitzʼlaʼ kiʼ chkiwäch, ye kʼa kʼo jun amigo ri kan más jnan nuʼän awäch rkʼë chwäch rkʼë jun awachʼalal.