2 Corintios

4 Rma ri joyowanïk ri xkʼut chqawäch xyaʼöx re samaj reʼ pa qaqʼaʼ, rma riʼ ma nqkos ta. 6 Rma yë Dios xbʼin ya reʼ: «Tjeʼ saqïl pa qʼequʼn». Ryä kan ryaʼon pä rsaqil pa qan rchë rïx niwïl saqïl rma Cristo chqä rma ri nimaläj rtamabʼal Dios. 7 Ye kʼa, tapeʼ xa yoj achiʼel kʼojlibʼäl ri bʼanon rkʼë ilew, yaʼon qa re bʼeyomäl reʼ chqë. Rchë ke riʼ nqʼalajin chë ri uchqʼaʼ ri yaʼon chqë, ri majun ta kikʼë ri winäq, ma qchë ta röj, xa kan rkʼë Dios petenäq wä. 8 Tapeʼ ri winäq kan nkikanuj rbʼanik rchë nkiyaʼ kʼayewal pa qawiʼ kan achiʼel ta yojkixïm, ryeʼ ma yekowin ta nkiʼän chë kan ma nqkowin ta chik nqslon; tapeʼ kʼïy mul ma nqïl ta achkë nqaʼän, nqkowin nqïl rsolik jun kʼayewal. 9 Ryeʼ yekatäj pä chqij, ye kʼa röj ma qayonïl ta yoj kʼo; yojkitzäq, ye kʼa ma yekowin ta chqij. 13 Ye kʼa, röj xa jnan qakʼuqbʼäl kʼuʼx rkʼë ri winäq ri xtzʼibʼäx reʼ chrij: «Rïn kʼo nkʼuqbʼäl kʼuʼx y rma riʼ xitzjon». Ke riʼ chqä röj, rma kʼo qakʼuqbʼäl kʼuʼx, rma riʼ nqtzjon, 16 Rma riʼ ma nqkos ta. Tapeʼ ri qachʼakul xa najin nrijïx, ri kʼo pa qan xa kan ronojel qʼij njeʼ pä más rchqʼaʼ. 17 Y tapeʼ ri kʼayewal xa yeqʼaxan chqä ma kan ta jun mamaʼ ejqaʼn nkiʼän chqij, nkiʼän chë kan nimaläj qaqʼij nuʼän chwäch Dios, y riʼ majun bʼëy xtjalatäj ta. 18 Ye kʼa tqayaʼ qan chrij ronojel ri ma yeqatzʼët ta, y ma chrij ta ri yeqatzʼët, rma ronojel ri yeqatzʼët xa xkeqʼaxan, ye kʼa ri ma yeqatzʼët ta majun bʼëy xkekʼis ta.