Zacarías

12 Rma riʼ, ri r·ángel Jehová xuʼij: «Nimaläj Jehová, ri akʼwayon bʼey chkiwäch ri ángeles, ¿ajän xtakʼüt joyowanïk chwäch Jerusalén chqä chkiwäch ri tinamït ri ye kʼo Judá? Rma ri ayowal chkë ri tinamït riʼ ya xuʼän pä 70 jnaʼ». 13 Y taq Jehová xtzjon rkʼë ri ángel ri najin wä ntzjon wkʼë rïn, kan xerksaj jaʼäl taq tzij chqä tzij ri nkikʼuqbʼaʼ akʼuʼx. 14 Chrij riʼ, ri ángel ri najin wä ntzjon wkʼë xuʼij chwä: «Tayaʼ re rtzjol reʼ: ‹Ya reʼ nuʼij Jehová, ri ukʼwayon bʼey chkiwäch ri ángeles: «Kan rkʼë ronojel wan xtintoʼ Jerusalén chqä Sión. 15 Kan katajnäq nyowal chkij ri tinamït ri majun chʼaʼoj kilon, rma taq ma kan ta katajnäq nyowal, ryeʼ xkiʼän chë ri kʼayewal xa más xnmatäj»›. 16 Rma riʼ, ya reʼ nuʼij Jehová: ‹«Xtinjyowaj chik jmul rwäch Jerusalén, y xtyak ri wachoch chpan y jun koloʼ rchë etabʼäl jyuʼ xtrikʼ chwäch Jerusalén»›, ya riʼ nuʼij Jehová, ri ukʼwayon bʼey chkiwäch ri ángeles.