Lucas

6 Chrij riʼ xtzjoj re kʼambʼäl tzij reʼ chkë: «Kʼo jun achï rtikon qa jun rcheʼ higo akuchï yertikon wä uvas. Ryä xbʼä rchë xbʼertzʼetaʼ we kʼo rwäch ri cheʼ riʼ, ye kʼa majun ta rwäch xrïl. 7 Chrij riʼ xuʼij ya reʼ che rä rsamajel ri ntkö wä ri uvas: ‹Rïn oxiʼ chik jnaʼ yïn petenäq rchë nbʼetzʼetaʼ we kʼo rwäch re rcheʼ higo reʼ, ye kʼa majun rwäch wlon ta. ¡Tachoyoʼ äl! Majun nkʼatzin wä kʼo pa njyuʼ›. 8 Ri rsamajel xuʼij che rä: ‹Tat, tayaʼ na qa jun jnaʼ chik. Rïn xtinkʼöt ri ilew kʼo chrij chqä xtinyaʼ rkis chköp chuxeʼ. 9 We chqawäch apü xtyaʼ rwäch, ütz; ye kʼa we ma xtyaʼ ta rwäch, tachoyoʼ äl›». 12 Taq Jesús xtzʼët, xbʼä apü rkʼë y xuʼij che rä: «Komä xkakʼachöj che rä ayabʼil». 13 Ryä xyaʼ rqʼaʼ chrij ri ixöq, y kan xa xuʼ xuʼän riʼ, ri ixöq xkʼachöj rij y xyaʼ rqʼij Dios. 18 Y xuʼij chik ya reʼ chkë: «¿Achoq rkʼë njunmatäj wä Rqʼatbʼäl Tzij Dios? ¿Achoq rkʼë ütz njnamaj wä? 19 Rqʼatbʼäl Tzij Dios achiʼel jun ijaʼtz rchë mostaza ri xkʼän apü jun achï chqä xtïk akuchï rbʼanon wä rtkoʼn. Ri ijaʼtz xkʼïy chqä xok jun cheʼ, y ri palomas xkiʼän kisok pa taq rqʼaʼ». 20 Chrij riʼ xuʼij chik jmul ya reʼ chkë: «¿Achoq rkʼë ütz njnamaj wä Rqʼatbʼäl Tzij Dios? 21 Rqʼatbʼäl Tzij Dios achiʼel ri levadura ri xkʼän apü jun ixöq chqä xxöl chpan jun 22 libras harina. Pa rkʼisbʼäl, jontir ri keʼen xspöj». 22 Taq bʼenäq wä Jerusalén, ryä xok chpan nmaʼq chqä koköj taq tinamït rchë xkʼüt rchʼaʼäl Dios chkiwäch ri winäq. 24 «Titjaʼ iqʼij rkʼë ronojel iwchqʼaʼ rchë yixok chpan ri puerta ri koʼöl rwäch, rma kan ye kʼïy xtkitäj kiqʼij rchë xkeʼok apü ye kʼa ma xkekowin ta.