Hebreos

12 Rma riʼ, rma yoj kʼo chkikojöl ye kʼïy rsamajelaʼ Dios, tqesaj qa jontir ri nuʼän jun ejqaʼn chqij chqä tqachajij qiʼ chwäch ri mak ri kan chaq bʼaʼ nqqä chpan, y ma tikʼo ta qakʼuʼx chpan ri kʼaqöj anin ri kʼo chqawäch. 2 Xtqkowin xtqaʼän riʼ we chrij Jesús, ri Nimaläj Ukʼwäy Bʼey chqä ri nbʼanö chë tzʼaqät nuʼän ri qakʼuqbʼäl kʼuʼx, xtqayaʼ wä qawäch. Rma xtzʼët apü ri kiʼkʼuxlal xtrïl, xköchʼ taq kʼo chë xrejqaj jun mamaʼ cheʼ; chqä ma xyaʼ ta rejqalen ri kʼixbʼäl xqʼaxaj; y rma riʼ ya tzʼyül chik pa rderecha Dios. 3 Kixchʼobʼon chrij ri xkochʼon taq ri winäq ri xa kiraybʼal nkʼaj chik xkiʼän itzel xetzjon chrij, rchë ke riʼ ma yixkos ta chqä ma yixkanaj ta qa. 5 Y kan imestan ri pixaʼ yaʼon qa chiwä rïx ri yïx achiʼel ta akʼalaʼ ri nuʼij: «Walkʼwal, ma itzel ta tanaʼ taq Jehová yaturpixabʼaj nixta tyujtäj akʼuʼx taq ryä yaturqʼïl, 6 rma Jehová yerqʼïl ri yerajoʼ. Ryä achiʼel ta kan nuyaʼ kixkʼaʼy ri ye ralkʼwal yertzʼët». 7 Rïx nkʼatzin yixkochʼon rma ya riʼ jun rbʼanik ri najin yixqʼil. Rma chwäch Dios, rïx yïx ralkʼwal. ¿Achkë ta akʼal ma ta nqʼil rma rtataʼ? 9 Chqä, taq ri qateʼ qatataʼ yojkipixabʼaj wä, röj kan nqayaʼ wä rqʼij ri nkiʼij chqë y nqanmaj wä kitzij. We ke riʼ, ¿ma más ta komä rejqalen nqataqej rtzij ri Qatataʼ ri kʼo chkaj, rchë ke riʼ ma nqajakʼij ta ri qakʼaslemal? 11 Kantzij na wä chë ma jaʼäl ta nanaʼ taq yaqʼil, rma kan poqän nunaʼ awan. Ye kʼa taq ri winäq yeqʼil, ya riʼ xkertoʼ rchë xtkikʼwaj jun chöj kʼaslemal. 16 tichajij iwiʼ rchë ma nilitäj ta chikojöl jun winäq ri nukʼwaj riʼ rkʼë jun chik y ma kʼlan ta rkʼë chqä ma nuloqʼoqʼej ta ri kan loqʼoläj, achiʼel Esaú xa rma jun rkïl wäy xkʼayij ri utzil ri nyaʼöx wä pa rwiʼ rma yë ryä ri nimalaxel. 22 [...] rtinamit ri kʼaslïk Dios —ri Jerusalén rchë chkaj— [...] 26 Chpan ri qʼij riʼ, ri rchʼaʼäl xsloj le Rwachʼlew, ye kʼa komä ryä nutzüj reʼ: «Jmul chik xtinsloj le Rwachʼlew, ye kʼa kan xtinsloj chqä ri kaj». 27 Ye kʼa, ri tzij «jmul chik» nukʼüt chë xtchup kiwäch ronojel ri yeslöx —ronojel ri bʼanon chik— rchë ke riʼ ma nchup ta kiwäch ronojel ri ma yeslöx ta. 28 Rma riʼ, rma xtyaʼöx jun Qʼatbʼäl Tzij pa qaqʼaʼ ri majun ta jun nkowin nslon rchë, ma tqayaʼ ta qa rkʼulik ri utzil ri ma taqäl ta chqij nqakʼül, rchë rkʼë ri toʼïk riʼ, röj xtqkowin xtqayaʼ rqʼij Dios kan achiʼel nqä chwäch ryä; y kan ma xtqaqasaj ta rqʼij Dios taq xtqaʼän riʼ. 29 Rma ri qaDios kan achiʼel jun qʼaqʼ ri kowan rchqʼaʼ.