Mateo

2 Y Jesús xjalatäj rachbʼäl chkiwäch ryeʼ. Ri rpaläj ryä xtzʼitzʼan kan achiʼel ri Qʼij chqä rtzyaq xuʼän säq kan achiʼel ri saqïl. 5 Taq ryä kʼa najin na wä ntzjon, jun sutzʼ ri kowan ntzʼitzʼan xerküch y, chaq kʼateʼ, chpan ri sutzʼ riʼ xel pä jun chʼaʼäl ri xuʼij: «Ya reʼ ri Nkʼajol ri kowan nwajoʼ; rïn kan kiʼ nkʼuʼx rkʼë. Tikʼoxaj rtzij». 19 Chrij riʼ, ri rtzeqelbʼëy xejelun apü rkʼë Jesús chqä xkikʼutuj che rä: «¿Achkë rma röj ma xqkowin ta xqesaj äl ri demonio?». 20 Ryä xuʼij chkë: «Rma ma nüm ta ri ikʼuqbʼäl kʼuʼx. Kantzij nbʼij chiwä chë we ri ikʼuqbʼäl kʼuʼx achiʼel ta jun ijaʼtz rchë mostaza, xtiʼij che rä re jyuʼ reʼ: ‹Kaqʼax ke laʼ apü›, y kan xtqʼax; majun ta jun ri ma ta xkixkowin xtiʼän». 22 Taq kimolon wä kiʼ Galilea, Jesús xuʼij chkë: «Ri Rkʼajol ri Achï xtyaʼöx na pa kiqʼaʼ ri winäq 23 chqä xtkikamsaj, y pa rox qʼij xtkʼasöx pä». Ya riʼ xuʼän chë ri rtzeqelbʼëy kowan xebʼison.