Judas

1 Judas rsamajel Jesucristo chqä rchʼalal Santiago, chiwä rïx ri xixskʼïx chqä xixjowäx rma Dios ri Tataʼaj y xixqʼol rma Jesucristo: 3 Wachʼalal, xinwajoʼ xitzʼibʼan äl chiwä chrij ri rbʼanik xtqkol ri kan jontir chqë röj qayoʼen. Ye kʼa xintzʼët chë más nkʼatzin ntzʼibʼaj äl chiwä chë titjaʼ iqʼij rchë ma nkʼis ta qa ri ikʼuqbʼäl kʼuʼx, ri xa jmul y kan jurayil xyaʼöx chkë ri yechaʼon rchë yebʼä chkaj. 4 Rïn ntzʼibʼaj äl ya reʼ chiwä rma ma inaʼen ta chë chikojöl rïx xeʼok apü jojun achiʼaʼ ri kan ojer chik rbʼin pä Rchʼaʼäl Dios chë xtqʼat tzij pa kiwiʼ. Re achiʼaʼ reʼ kan majun rqʼij ta Dios chkiwäch y, rma Dios kan kowan nupoqonaj qawäch, nkiquʼ chë yekowin nkikʼwaj jun tzʼil kʼaslemal, chqä nkiyaʼ qa kij chwäch Jesucristo, ri Qajaw ri xqrlöqʼ. 7 Ke riʼ chqä Sodoma y Gomorra chqä ri tinamït ri xejeʼ chkinaqaj; ryeʼ xekiʼän tzʼil taq bʼanobʼäl chqä xkikanuj rbʼanik rchë xkiʼän ri xrayij kichʼakul rkʼë xa bʼa achkë ri xkajoʼ ryeʼ tapeʼ ma ke riʼ ta xuʼij qa Dios. Ryeʼ xqʼat tzij pa kiwiʼ chqä xqä pä qʼaqʼ chkij —jun qʼaqʼ ri jurayil nuchüp rwäch jontir—, ya riʼ nukʼüt qa chqawäch achkë xtbʼanatäj qkʼë we xtqaʼän ri xkiʼän ryeʼ. 9 Ye kʼa, taq ri arcángel Miguel xjeʼ jun chʼaʼoj chkiwäch rkʼë ri Diablo chrij rchʼakul Moisés, ryaʼ ma jun ta itzel taq tzij xuʼij che rä chqä ma xqʼät ta tzij pa rwiʼ, xa xuʼ xuʼij che rä: «Jehová xtqʼatö tzij pan awiʼ». 12 Ri achiʼaʼ riʼ xa ye achiʼel abʼäj ri ye ewatäl chuxeʼ yaʼ [...]; sutzʼ ri ma kikʼamon ta pä jöbʼ chqä xa bʼa akuchï yeʼukʼwäx wä rma ri kaqʼiqʼ; cheʼ ri ma nkiyaʼ ta kiwäch taq ya nchapatäj ri tiw [...] 13 rwiʼ mar ri kan nbʼolqotlaʼ riʼ, ri nkikʼäq kikʼixbʼal achiʼel ta rwoqo’ mar; [...] 20 Ye kʼa rïx, qachʼalal, tiksaj ri ikʼuqbʼäl kʼuʼx rchë nkʼuqeʼ ikʼuʼx chpan rchʼaʼäl Dios chqä taq xkixchʼö rkʼë Dios, tiyaʼ qʼij chë yë ri loqʼoläj rchqʼaʼ xtkʼwan iwchë, 21 rchë ke riʼ ronojel mul xkixajowäx rma Dios, loman niyoʼej ri qʼij taq xtpoqonäx iwäch rma ri Qajaw Jesucristo chqä xtyaʼöx ri ikʼaslemal ri majun bʼëy xtkʼis ta. 22 Chqä, ronojel mul tikʼutuʼ joyowanïk chkiwäch ri xa kaʼiʼ kikʼuʼx kibʼanon; 23 keʼikoloʼ taq yeʼiwesaj chwäch ri qʼaqʼ. [...] 24 Ma timestaj ta chë xa xuʼ Dios nkowin yixurtoʼ rchë ma yixqä ta pa mak chqä yixurchʼajchʼobʼej rchë kiʼ ikʼuʼx yixjeʼ chwäch ryä. 25 Rma riʼ, yë ta kʼa ri kʼaslïk Dios, ri nkolö qchë rma Jesucristo ri Qajaw, tyaʼöx rqʼij, tjeʼ uchqʼaʼ pa rqʼaʼ chqä tqʼataʼ tzij xa bʼa jaruʼ jnaʼ keqʼax: ojer qa, komä chqä chqawäch apü. Amén.