Ezequiel

1 Chpan ri jnaʼ 30, chpan ri quinto qʼij rchë ri rkaj ikʼ, taq rïn yïn kʼo wä chuxkïn ri raqän yaʼ Kebar kikʼë ri qawinaq ri xekʼwäx äl jkʼan chik, xejaqatäj ri kaj y Dios xuʼän chwä chë xentzʼët visiones. 16 Ri ruedas yetzʼitzʼan kan achiʼel ntzʼitzʼan ri crisólito y chë kajiʼ achiʼel ta kan jnan kibʼanik. Ri kajiʼ ruedas riʼ nqʼalajin chë achiʼel ta ye kʼo chpan jun chik rueda. 17 Taq yebʼiyïn, ma kʼayewal ta nuʼän chkiwäch nkijäl kibʼey y ma nkʼatzin ta na yepaʼeʼ rchë nkiʼän riʼ. 20 Ryeʼ yebʼä wä akuchï yerkʼwaj wä ri loqʼoläj rchqʼaʼ Dios, tapeʼ xa bʼa akuchï yerkʼwaj wä ri uchqʼaʼ riʼ. Taq ryeʼ yejoteʼ chkaj, ri ruedas chqä yejoteʼ äl, rma ri loqʼoläj rchqʼaʼ Dios ri nsmajin kichë ri kajiʼ ri kʼo kikʼaslemal ya riʼ chqä nsmajin kichë ri ruedas.