Salmos

2 Yë Jehová ri mamaʼ wabʼäj, ri nyaʼö wchqʼaʼ chqä ri nkolö wchë. Ri nDios ya riʼ wabʼäj ri akuchï ntoʼ wä wiʼ, yë ryä wescudo, ri nkolonel ri kowan rchqʼaʼ chqä ri achoq rkʼë ütz ntoʼ wä wiʼ. 6 Taq kowan wä najin yichʼpü (yimayon) xichʼö rkʼë Jehová, xinräq nchiʼ rchë xinkʼutuj ntoʼik che rä nDios. Y kan chpan rtemplo xkʼoxaj nchʼaʼäl; taq xinräq nchiʼ rchë xinkʼutuj ntoʼik, ryä kan xyaʼ rxkïn chwä. 8 Xel sübʼ pa rtzaʼn chqä xel qʼaqʼ pa rchiʼ ri kowan rchqʼaʼ; rkʼë ryä xeʼel pä rachäq qʼaqʼ ri këq këq kibʼanon. 9 Ryä xuʼän chë ri kaj achiʼel ta xexkeʼ qa chwäch taq ryä xqä pä, y ye kʼo wä qʼäq taq sutzʼ chuxeʼ raqän. 10 Ryä xqä pä chkaj chrij jun querubín. Kan chanin xqä pä chpan ri kaqʼiqʼ. 16 Tapeʼ kʼa chkaj kʼo wä, ryä xyaʼ pä rqʼaʼ chwä; xiruchäp y xiresaj chkipan yaʼ ri kowan nüm kipan. 19 Ryä xirkʼwaj akuchï ma nxiʼin ta wij; xirköl rma kan kiʼ rkʼuʼx wkʼë. 25 Ri ma yaturyaʼ ta qa rït, rït chqä ma nayaʼ ta qa ryä; rït kan pa rbʼeyal naʼän rkʼë ri winäq ri rkʼwan jun jïk kʼaslemal chawäch; 27 Rma rït yeʼaköl ri nkiqasaj kiʼ, ye kʼa naqasaj kiqʼij ri nkinaʼ kiʼ. 28 Rma yït rït, nimaläj Jehová, ri yatzjö ri nkantil, nDios, ri nayaʼ saqïl taq yïn kʼo pa qʼequʼn. 29 Rkʼë atoʼik rït, rïn yikowin chkij jun molaj alqʼomaʼ. Rkʼë rchqʼaʼ Dios rïn yikowin yijoteʼ pa rwiʼ jun mamaʼ tzʼaq. 30 Ri kʼaslïk Dios kan ma nsach ta rkʼë ri yeruʼän; ri rtzij Jehová kan chʼajchʼöj. Ryä jun kescudo ri winäq ri nkitoʼ kiʼ rkʼë. 32 Ri kʼaslïk Dios ya riʼ nyaʼö wchqʼaʼ; ryä xtuʼän chë xtinkʼwaj jun jïk kʼaslemal. 35 Rït yinaköl chqä yinatoʼ rkʼë ri aqʼaʼ derecha. Rïn kan nüm nqʼij rma rït ma nanaʼ ta awiʼ. 46 ¡Jehová kan kʼäs! ¡Tyaʼöx rqʼij Wabʼäj! ¡Tnmirsäx ta kʼa rqʼij ri Dios ri nkolö wchë!