Santiago

7 Rma riʼ, wachʼalal, ma tikʼo ta ikʼuʼx niyoʼej ri qʼij ri xtbʼeqä ri Ajaw. Tiquʼ reʼ: jun ajtkoʼn ma nikʼo ta rkʼuʼx nuyoʼej ri naʼäy taq jöbʼ chqä ri rkʼisbʼäl taq jöbʼ rchë jaʼäl nwachin rwäch ri rtkoʼn. 8 Ke riʼ chqä rïx, ma tikʼo ta ikʼuʼx; xa tikowirsaj ri ikʼuqbʼäl kʼuʼx, rma ri qʼij ri xtbʼeqä ri Ajaw xa naqäj chik kʼo pä. 10 Qachʼalal, tikʼamaʼ inaʼoj chkij ri profetas ri xetzjon pa rbʼiʼ Jehová, rma ryeʼ xkiköchʼ ri tijöj poqonal xkiqʼaxaj chqä ma xikʼo ta kikʼuʼx xeyoʼen. 11 Chqawäch röj, kan kiʼ kikʼuʼx ri kikochʼon kʼayewal. Rïx ikʼoxan achkë rbʼanik xkochʼon Job chqä itaman achkë xuʼän Jehová pa rwiʼ, rma riʼ, itaman chë Jehová kan kowan nqrajoʼ chqä kan nupoqonaj qawäch. 14 ¿Kʼo jun chiwä rïx yawaʼ? We ke riʼ, kerskʼij ri ukʼwäy taq bʼey pa congregación rchë yechʼö rkʼë Dios pa rwiʼ chqä rchë nkiyaʼ aceite pa rjolon pa rbʼiʼ Jehová. 15 Y rma kan rkʼë kʼuqbʼäl kʼuʼx xkechʼö rkʼë Dios, ri yawaʼ xtkʼachöj, y Jehová kan xtkʼuqbʼaʼ rkʼuʼx. Chqä, we ryä kʼo jun rmak xuʼän, kan xtkuy rmak. 16 Rma riʼ, tiʼij imak chiwäch chqä kixchʼö rkʼë Dios pa kiwiʼ nkʼaj chik, rchë ke riʼ xkixknäx (xkixqʼomäx). Ri nukʼutuj jun achï ri jïk rkʼaslemal che rä Dios, kan kʼo ütz nukʼäm pä pa kiwiʼ nkʼaj chik. 17 Elías jun achï ri xnaʼ achiʼel wä nqanaʼ röj, y taq ryä rkʼë ronojel ran xkʼutuj che rä Dios chë ma tpë ta chik jöbʼ, 3 jnaʼ rkʼë 6 ikʼ ma xuʼän ta chik jöbʼ pa rwiʼ le Rwachʼlew. 19 Qachʼalal, we kʼo jun nbʼanö chë jun chiwä rïx ma yersmajij ta chik ri kantzij taq naʼoj y jun chik ntoʼö rchë chë yersmajij chik jmul, 20 titamaj chë xa bʼa achkë ri ntoʼö jun ri xqä pa mak rchë nutzolij riʼ xtköl ri winäq riʼ chwäch ri kamïk chqä xttoʼon rchë xtkuy rmak.