Mateo

10 Chqä ma tiyaʼ ta qʼij chë nbʼix kʼamöl bʼey chiwä, rma xa xuʼ jun ri Kʼamöl Bʼey chiwäch: ri Cristo. 12 Ri winäq ri nunaʼ riʼ xtqasäx rqʼij, ye kʼa ri nuqasaj riʼ kan xtnmirsäx rqʼij. 15 ¡Jyuʼ iwäch rïx escribas y fariseos ri xa kaʼiʼ ipaläj!, rma kan niqʼaxalaʼ ri mar chqä ri Rwachʼlew rchë nikanuj jun winäq rchë nunmaj ri ninmaj rïx, y taq nbʼanatäj riʼ, xa pa Gehena nikʼwaj wä rma xa niʼän chë más nüm rmak ryä ke chiwäch rïx. 23 ¡Jyuʼ iwäch rïx, escribas chqä fariseos! ¡Rïx xa kaʼiʼ ipaläj! Rma kan niyaʼ ri décimo peraj che rä ri hierbabuena, ri eneldo chqä ri comino, ye kʼa ma najin ta nismajij ri naʼoj ri kʼo más kejqalen chpan ri Pixaʼ, achiʼel ri pa rbʼeyal naʼän che rä jontir, ri napoqonaj kiwäch ri nkʼaj chik chqä ri nakʼuqbʼaʼ akʼuʼx chrij Dios. Kan nkʼatzin nbʼan ri xinbʼij pa naʼäy, ye kʼa nkʼatzin chqä nbʼan ya reʼ. 33 Rïx ri yïx achiʼel ta kumätz, kal taq kumätz, ¿achkë rbʼanik ma ta xkixtaq pa Gehena taq xtqʼat tzij pan iwiʼ?