Daniel

25 Y ryä xtkʼuqbʼaʼ äl rkʼuʼx rchë ma xtxiʼij ta riʼ xtkʼwaj äl jun nimaläj ejército rchë xtbʼerbʼanaʼ chʼaʼoj rkʼë ri qʼatöy tzij ri kʼo pa sur, y ri qʼatöy tzij ri kʼo pa sur xtmöl jun nimaläj ejército ri janina rchqʼaʼ rchë xtbʼerbʼanaʼ chʼaʼoj rkʼë. Ye kʼa ri qʼatöy tzij ri kʼo pa norte ma xtkowin ta xtpabʼaʼ riʼ, rma ye kʼo ri xtkikanuj rbʼanik rchë xtkitzʼlaʼ. 26 Y ri yetjö ri rkïl rway ya riʼ xkebʼanö rchë xttzaq. Xtchʼak rejército y kan ye kʼïy xkekäm. 27 Ye kʼa re kaʼiʼ qʼatöy taq tzij reʼ kan pa kan xtaläx wä xtkiʼän ri itzelal, y ryeʼ jnan xketzʼyeʼ chrij jun mesa chqä xkekitzʼük tzij chkiwäch. [...] 30 [...] y ryä kan xttzaq rkʼïx. [...] xtresaj ryowal chrij ri loqʼoläj jikibʼäl tzij [...]. 31 y ryeʼ xtkitzʼilbʼisaj ri santuario, [...] chqä xtkiqʼät ri sacrificio ri chaq taqïl nbʼan. Y kʼo jun ri kan janina tzʼil chqä kan nuchüp rwäch jontir ri xtkiyaʼ pa rkʼojlibʼäl. 34 Ye kʼa, taq xtbʼan chë xketzaq, xtyaʼöx jbʼaʼ kitoʼik. Ye kʼïy kan rkʼë kaʼiʼ kipaläj xkejelun apü kikʼë. 37 Xa xtqasaj rqʼij ri kiDios rteʼ rtataʼ, chqä xtqasaj kiqʼij ri nkʼaj chik dioses chqä ma xtyaʼ rqʼij ri nkirayij ri ixoqiʼ. Y kan xtnimirsaj riʼ pa kiwiʼ jontir. 38 Ye kʼa xa xtyaʼ rqʼij ri dios kichë ri kowiläj taq jay rchë chʼaʼoj. Rkʼë oro, plata, jaʼäl taq abʼäj ri janina kiqʼij chqä kikʼë ronojel ri kan kʼo kejqalen xtyaʼ rqʼij jun dios ri ma xtamäx ta rwäch kimä ri rteʼ rtataʼ. 39 Rkʼë rtoʼik jun dios ri ma rchë ta rtinamit, ryä xtuʼän ri xtrajoʼ kikʼë ri kowiläj taq jay rchë chʼaʼoj. Xtnimirsaj kiqʼij ri xketoʼö rchë chqä xtuʼän chë xtkiqʼät tzij pa kiwiʼ ye kʼïy. Ryä kan xtyaʼ rajäl ri ilew taq xtjäch. 40 Chpan ri rkʼisbʼäl taq qʼij, ri qʼatöy tzij ri kʼo pa sur xtuʼän chʼaʼoj rkʼë ri qʼatöy tzij ri kʼo pa norte. Kʼa riʼ taq ri qʼatöy tzij ri kʼo pa norte xtkatäj pä chrij ri qʼatöy tzij riʼ kikʼë chʼichʼ rchë chʼaʼoj, soldados ri yebʼä chkij kej chqä barcos rchë chʼaʼoj. Xttok apü chkiwäch ri tinamït y xtqʼax äl chkij kan achiʼel ta jun mamaʼ raqän yaʼ. 41 Chqä xttok apü chwäch ri Jaʼäl Rwachʼlew. Xtuʼän chë ye kʼïy tinamït xketzaq. Ye kʼa ri tinamït Edom, Moab chqä jun peraj ri kan kʼo rejqalen rchë ri tinamït Amón, xkekolotäj qa pa rqʼaʼ. 42 Ryä chqä kan xttok apü chkiwäch ri nkʼaj chik tinamït, y ri tinamït Egipto ma xtkolotäj ta qa pa rqʼaʼ. 43 Pa rqʼaʼ xkekanaj wä qa ri oro, ri plata chqä jontir ri kʼo kiqʼij chpan ri tinamït Egipto. Y ri libios chqä ri etíopes kan xtkinmaj rtzij. 44 Ye kʼa kan xtchʼpü rkʼuʼx kimä ri rtzjol ri yepë pa este chqä pa norte. Rma riʼ kan xtkatäj ryowal chqä kan ye kʼïy xtchüp kiwäch. 45 Y chkikojöl ri nimaläj mar chqä ri loqʼoläj jyuʼ ri kʼo chwäch ri Jaʼäl Rwachʼlew, ryä xkeryaʼ jay kichë ri qʼatöy taq tzij. Y xtchuptäj rwäch, y majun achkë xttoʼö rchë.