Eclesiastés
5 Rma ri kʼa ye kʼäs kitaman chë kʼo jun qʼij xkebʼekäm na, ye kʼa ri kamnaqiʼ majun chik kitaman ta chqä majun chik nkichʼäk ta, rma majun chik nnatäj ta chkë. 7 Rma riʼ kan kiʼ akʼuʼx kawaʼ chqä kan kiʼ akʼuʼx tatjaʼ avino, rma ri kʼaslïk Dios kan kiʼ rkʼuʼx rkʼë jontir ri abʼanon. 10 Jontir ri yakowin naʼän kan tatjaʼ aqʼij chubʼanik, rma majun chik samaj, chʼobʼonïk, etamabʼäl nixta naʼoj chpan ri Jül, ri akuchï xkabʼemuq wä qa. 11 Chqä kʼo chik jun ri ntzʼeton chë nbʼanatäj: rïn ntzʼeton chë ri winäq ri kowan kanin ma ronojel ta mul nkichʼäk jun kʼaqöj anin chqä ri kowan kichqʼaʼ ma ronojel ta mul yechʼakon chpan jun chʼaʼoj; nixta ri kowan kinaʼoj ma ronojel ta mul kʼo kiway, ni ri kʼäs kijolon ma ronojel ta mul kʼo kibʼeyomal, chqä ri kan kʼïy kitaman ma ronojel ta mul ütz yebʼä pa kikʼaslemal, rma jontir kʼo mul kʼo jun ma ütz ta nkikʼulwachij o kʼo mul chaq kʼateʼ nbʼanatäj jun kʼayewal pa kikʼaslemal. 18 Ri njeʼ anaʼoj más ütz chwäch ri njeʼ jun asamajbʼal rchë chʼaʼoj [...]