Mateo
6 Ye kʼa taq xuʼän nkʼaj aqʼaʼ, kʼo jun ri kan rkʼë kuw rchʼaʼäl xuʼij reʼ: ‹¡Xpë ri kʼajol! ¡Kixel chukʼulik!›. 7 Rma riʼ jontir ri qʼopojiʼ xekatäj y xkiʼän rbʼanik kikantil. 8 Y ri qʼopojiʼ ri majun ta kinaʼoj xkiʼij reʼ chkë ri kʼo kinaʼoj: ‹Tiyaʼ jbʼaʼ qaceite, rma ya nchup qakantil›. 9 Ri qʼopojiʼ ri kʼo kinaʼoj xkiʼij reʼ chkë: ‹We xtqayaʼ jbʼaʼ iwchë rïx, rkʼë jbʼaʼ ma xtqrqʼiʼ ta röj chqä. Más ütz tibʼeloqʼoʼ akuchï nkʼayïx wä›. 10 Ye k’a taq ryeʼ ye bʼenäq wä chuloqʼik kaceite, xkʼlun ri kʼajol. Ri qʼopojiʼ ri kikʼwan äl ri nkʼatzin chkë xeʼok rkʼë ri kʼajol chpan rkʼlanen, y chrij riʼ xtzʼapïx ri puerta. 19 Kʼïy tiempo chrij riʼ, ri kajaw ri achiʼaʼ riʼ xtzolin pä y xkʼutuj rrajil chkë. 20 Ri xyaʼöx 5 talentos che rä rkʼamon pä chik 5 talentos, y xuʼij: ‹Wajaw, xayaʼ qa 5 talentos chwä y, tatzʼetaʼ, xinchʼäk 5 más›. 21 Ri rajaw xuʼij che rä: ‹¡Ütz ri xaʼän, utziläj nsamajel! Rma kan ütz xasmajij ri jbʼaʼ xinyaʼ qa chawä, komä kʼo más xtinyaʼ qa pan aqʼaʼ. Katampä y kan jaʼäl tnaʼ awan kan achiʼel rnaʼon wan rïn›. 22 Chrij riʼ, xapon ri samajel ri xyaʼöx kaʼiʼ talentos che rä y xuʼij: ‹Wajaw, rït xayaʼ kaʼiʼ talentos chwä y, tatzʼetaʼ, xinchʼäk chik kaʼiʼ talentos›. 23 Ri rajaw xuʼij che rä: ‹¡Ütz ri xaʼän, utziläj nsamajel! Rma kan ütz xasmajij ri jbʼaʼ xinyaʼ qa chawä, komä kʼo más xtinyaʼ qa pan aqʼaʼ. Katampä y kan jaʼäl tnaʼ awan kan achiʼel rnaʼon wan rïn›. 31 Taq ri Rkʼajol ri Achï xtpë rkʼë ri uchqʼaʼ yaʼon pa rqʼaʼ chqä kikʼë jontir ri ángeles, xttzʼyeʼ chpan ri nimaläj rtzʼibʼäl. 32 Jontir ri winäq xkemol chwäch ryä, y ryä xkerjäch ri winäq kan achiʼel nuʼän jun ajyuqʼ taq yerjäch ri karneʼl kikʼë ri kʼsïkʼ. 33 Xkeryaʼ ri karneʼl pa rderecha, ye kʼa ri kʼsïkʼ pa rizquierda. 34 Chrij riʼ ri Qʼatöy Tzij xtuʼij chkë ri ye kʼo pa rderecha: ‹Kixampä jontir rïx ri xyaʼöx utzil pan iwiʼ rma ri Ntataʼ, ttok iwchë ri Qʼatbʼäl Tzij ri xbʼan iwmä rïx kan xa xuʼ xbʼan le Rwachʼlew. 35 Rïx xtikʼül riʼ rma xiyaʼ nway taq rïn xinqʼaxaj wayjal, xiyaʼ nyaʼ taq xchaqiʼj nchiʼ, xinikʼül apü tapeʼ ma itaman ta nwäch, 36 xiyaʼ ntzyaq taq yïn chʼanäl, xiniwlij taq xiyawäj, xinibʼetzʼetaʼ taq xiyaʼöx pacheʼ›. 40 Y ri Qʼatöy Tzij xtuʼij chkë: ‹Kantzij nbʼij chiwä chë jontir ri xiʼän rma jun chkë ri más koʼöl chkë re wachʼalal reʼ, kan chwä rïn xiʼän wä›.