Ezequiel

7 Rïn yatinchaʼon rït, ri yït ralkʼwal jun winäq, rchë yatok jun chajinel chkiwäch ralkʼwal Israel. Taq rïn kʼo jun xtinbʼij chawä, pan nbʼiʼ rïn kʼo chë nabʼeyaʼ rbʼixik chkë ryeʼ. 8 We rïn nbʼij che rä jun itzel winäq ‹¡xkakäm!›, ye kʼa rït ma nayaʼ ta rbʼixik che rä ri winäq riʼ rchë nujäl rbʼey rkʼwan, ryä xtkäm rma ma xtyaʼ ta qa rbʼanik ri ma ütz ta, ye kʼa rït xkajqalen rkamik ryä. 11 Taʼij ya reʼ chkë: ‹«Rma rïn, ri Nimaläj Qʼatöy Tzij Jehová kan yïn kʼäs, ma jaʼäl ta nnaʼ taq nkäm jun itzel winäq, ye kʼa kan kiʼ nkʼuʼx nbʼän taq jun itzel winäq nuyaʼ qa rbʼanik ri ma ütz ta chqä nkʼaseʼ na. Tiyaʼ qa ri ma ütz ta bʼey ikʼwan. ¿Achkë kʼa rma rïx, ralkʼwal Israel, xa najin nikanuj qa ikamik?»›. 14 Y si rïn nbʼij che rä ri itzel winäq «Rït xkakäm» ye kʼa ryä nuyaʼ qa rbʼanik rmak y yë ri ütz chqä ri jïk ri nuchäp rbʼanik, 16 Ma xtnatäx ta chik ni jun chkë ri mak ri xeruʼän. Rma xuʼän ri jïk chqä ri ütz, ryä ma xtkäm ta›. 32 Chkiwäch ryeʼ, rït yït achiʼel ta jun bʼix ri nutzjoj ajowabʼäl, ri nbʼixäx rma jun winäq ri janina jaʼäl rchʼaʼäl chqä ri kan ütz rbʼanik nqʼojomäx rkʼë jun instrumento de cuerda. Xtkikʼoxaj ri achʼaʼäl, ye kʼa majun achkë xtsmajin rchë.