Mateo

7 Taq xkixbʼä titzjoj äl chë ‹Ri Rqʼatbʼäl Tzij Dios ya naqäj chik kʼo pä›. 8 [...] Rïx majun ta xkʼutüx chiwä rma ri xikʼül, kan ke riʼ chqä tibʼanaʼ rïx. 11 Taq xkixok chpan xa bʼa achkë tinamït, tikanuj achkë winäq taqäl chrij rchë ntzjöx rchʼaʼäl Dios che rä, y kixkanaj qa chriʼ kʼa ajän xkixel äl chpan ri tinamït riʼ. 15 Kan komä nbʼij chiwä chë más xtpoqonäx kiwäch ri winäq aj Sodoma chqä Gomorra chpan ri qʼij taq xtqʼat tzij pa kiwiʼ ri winäq chkiwäch ri winäq ri ye kʼo chpan tinamït riʼ. 16 Rïn najin yixintäq äl kan achiʼel karneʼl chkikojöl lobos. Rma riʼ tikʼutuʼ chë kʼo inaʼoj kan achiʼel nkiʼän ri kumätz, ye kʼa tikʼutuʼ chqä chë majun ta imak kan achiʼel nkiʼän ri palomas. 18 Y xa wmä rïn, rïx xkixekʼwäx chkiwäch qʼatöy taq tzij chqä chkiwäch reyes. Ya riʼ xtkʼatzin chë ryeʼ chqä ri winäq xtkitamaj chwij rïn. 19 [...] taq xtbʼeqä ri qʼij riʼ, xtbʼix pä chiwä achkë kʼo chë niʼij; 20 rma ma xa xuʼ ta rïx xkixtzjon, xa kan yë ri loqʼoläj rchqʼaʼ ri Itataʼ kʼo chkaj xkixtoʼö rchë yixtzjon. 22 Jontir ri winäq itzel xtkinaʼ chiwä rma nbʼiʼ. Ye kʼa ri xtkochʼon kʼa taq xtbʼekʼis ronojel, ya riʼ ri xtkolotäj qa. 23 Taq ri winäq ri ye kʼo chpan jun tinamït xkekatäj pä chiwij, kixanmäj äl chpan jun chik tinamït; rma kan komä nbʼij chiwä chë rïx ma xkixkowin ta xkixbʼä chpan jontir ri tinamït ri ye kʼo Israel taq majanä tpë Rkʼajol ri Achï. 27 Ri achkë nbʼij chiwä pa qʼequʼn, rïx kan pa saqïl tiʼij wä, y ri achkë nbʼix chiwä pan ixkïn, kan pa kiwiʼ taq jay tiwesaj wä rtzjol. 28 Ma tixiʼij ta iwiʼ chkiwäch ri yekowin yixkikamsaj ye kʼa ma yekowin ta nkiʼän chë ma ta nyaʼöx chik jmul ikʼaslemal. Pa rkʼexel riʼ, tixiʼij iwiʼ chwäch ri nkowin nuchüp iwäch chpan ri Gehena. 29 Rïx itaman chë yekʼayïx kaʼiʼ taq tzʼkïn rkʼë jun ti päq ri majun ta rqʼij. Ye kʼa, majun ta jun chkë ryeʼ nqä pan ilew ri ma ta nnaʼëx rma Itataʼ kʼo chlaʼ chkaj. 30 Ye kʼa, rïx kan jlan jontir rsmal iwiʼ. 31 Rma riʼ, ma tixiʼij ta iwiʼ. Rïx kʼo más iqʼij chkiwäch kʼïy taq tzʼkïn. 33 Ye kʼa we kʼo jun winäq yirtzelaj rïn chkiwäch ri winäq, rïn chqä xtintzelaj ryä chwäch ri Ntataʼ ri kʼo chlaʼ chkaj. 34 Ma tiquʼ ta chë xipë rchë nbʼewesaj chʼaʼoj chwäch le Rwachʼlew; rïn ma xipë ta rchë nbʼebʼanaʼ riʼ, xa kan rchë nbʼeyaʼ chʼaʼoj chikojöl. 35 Rïn xipë rchë yenjäch ri winäq. Ri kʼajol xtkatäj chrij rtataʼ, ri qʼopoj xtkatäj chrij rteʼ y ri albʼätz xtkatäj chrij ralteʼ. 36 Y kan ke riʼ xtbʼanatäj, ri winäq ri itzel xtkinaʼ chiwä xa kan pan iwachoch xkeʼel wä. 37 Ri xa yë rteʼ o rtataʼ nrajoʼ más chwäch ri yirajoʼ rïn ma taqäl ta chrij ntok ntzeqelbʼëy; y ri xa yë rkʼajol o rmiʼal nrajoʼ más chwäch ri yirajoʼ rïn ma taqäl ta chrij ntok ntzeqelbʼëy. 38 Y ri ma nrejqaj ta rcheʼ rchë tijöj poqonal chqä yirtzeqelbʼej ma taqäl ta chrij ntok ntzeqelbʼëy.