Proverbios

10 Walkʼwal, kinakʼoxaj chqä takʼamaʼ ri naʼoj nyaʼ chawä, rchë ke riʼ kan yalöj xkakʼaseʼ. 14 Ma kabʼä ta chpan kibʼey ri itzel taq winäq nixta kabʼiyïn chpan kibʼey ri kan itzel kinaʼoj. 18 Ye kʼa ri kibʼey ri jïk kikʼaslemal kan achiʼel ta ri Qʼij taq ntel pä nmaqʼaʼ, ri eqal ntel pä kʼa taq nsaqirsaj ronojel. 20 Nkʼajol, tabʼanaʼ utzil, takʼoxaj ri nchʼaʼäl; tayaʼ axkïn che rä ri ntzij. 21 Kan tayaʼ awäch chrij chqä kan takʼoloʼ pan awan. 22 Rma nuyaʼ kikʼaslemal ri yeyilö rchë chqä nkʼuqeʼ rkʼuʼx jontir ri kichʼakul. 23 Chwäch xa bʼa achkë ri kʼo chë nachajij, tachajij más awan, rma chriʼ npë wä ri kʼaslemal. 25 Ri rnaqʼ awäch kʼo chë nkitzuʼ ri kʼo chawäch apü y ma tawesaj ta awäch chriʼ. 26 Tatzʼetaʼ na achkë bʼey najin nakʼwaj, ke riʼ kan ütz abʼey xtakʼwaj. 27 Ma kabʼä ta pa derecha nixta pan izquierda. Katanmäj chwäch ri itzelal.