Daniel

5 Ri qʼatöy tzij xuʼij reʼ chkë ri aj Caldea: «Ya reʼ nchʼobʼon nbʼän: we rïx ma xtiʼij ta chwä achkë xinwachkʼaj y achkë ntel chë tzij, rïn xtintäq rbʼixik chë xkixkamsäx, xtesäx iqʼaʼ iwaqän chqä chë ri iwachoch xttok akuchï xkechlun wä ri winäq; 16 Rma riʼ Daniel xbʼä rkʼë ri qʼatöy tzij y xuʼij che rä chë tyaʼ na jbʼaʼ qʼij che rä rchë nuqʼalajsaj rachïkʼ. 18 Ryä xuʼij chkë chë tkiʼij che rä ri Dios ri kʼo chkaj chë tjyowaj kiwäch rma ri jun achïkʼ riʼ, rchë ke riʼ nixta Daniel nixta rchiʼil xkekamsäx ta kikʼë ri nkʼaj chik ajnaʼoj taq winäq ri ye kʼo Babilonia. 28 Ye kʼa kʼo jun Dios ri kʼo chkaj ri nuʼij ri majun ta jun tamayon rchë, y ryä xkʼüt pä chawäch rït Nabucodonosor, ri qʼatöy tzij, ri xtbʼanatäj chpan ri rkʼisbʼäl taq qʼij. Ya reʼ ri awachïkʼ xaʼän chqä ri visiones ri xatzʼët taq yït kʼo pan achʼat: 31 Rït, nimaläj qʼatöy tzij, kʼlan wä najin yatzuʼun taq xatzʼët jun mamaʼ achbʼäl. Ri achbʼäl riʼ, ri kan jun mamaʼ achbʼäl chqä kowan wä ntzʼitzʼan, paʼäl wä chawäch rït y kan yaturxiʼij taq natzʼët. 32 Ri rjolon ri achbʼäl riʼ bʼanon wä rkʼë oro; ri rwarkʼuʼx chqä ri rqʼaʼ ye bʼanon rkʼë plata, ri rpan chqä ri peraj ri ye kʼo pa rwiʼ rchʼek, rkʼë cobre; 33 ri peraj ri kʼo chuxeʼ rchʼek, rkʼë hierro, y ri raqän, jun peraj bʼanon rkʼë hierro y jun peraj rkʼë chʼabʼäq. 34 Taq najin wä natzʼët ri achbʼäl riʼ, xkʼaq pä jun mamaʼ abʼäj ri ma yë ta jun winäq xkʼaqö pä rchë. Re abʼäj reʼ xwulaj raqän ri achbʼäl ri ye bʼanon rkʼë hierro chqä chʼabʼäq. 35 Taq xbʼanatäj riʼ, ri hierro, ri chʼabʼäq, ri cobre, ri plata chqä ri oro xemuchtäj chqä xeʼok achiʼel ri kʼïn, y ri kaqʼiqʼ xerkʼwaj äl rchë majun ta chik ketal xtjeʼ qa. Ye kʼa ri abʼäj ri xwulaj ri achbʼäl xok jun mamaʼ jyuʼ ri xküch jontir le Rwachʼlew. 41 Y rma xatzʼët chë jun peraj che rä ri raqän ri achbʼäl chqä ri rwiʼ raqän bʼanon rkʼë hierro y ri jun chik peraj rkʼë chʼabʼäq, ri qʼatbʼäl tzij riʼ xa xtjäch riʼ, ye kʼa xtjeʼ jbʼaʼ rchqʼaʼ ri hierro che rä, achiʼel ri hierro ri xolon rkʼë chʼabʼäq ri xatzʼët. 42 Y rma jun peraj che rä ri rwiʼ raqän ri achbʼäl bʼanon rkʼë hierro y ri jun chik peraj rkʼë chʼabʼäq, ke riʼ chqä ri qʼatbʼäl tzij riʼ, kan xtjeʼ uchqʼaʼ pa rqʼaʼ, ye kʼa kʼo mul xa xtkʼis qa. 43 Y achiʼel ri hierro ri xolon rkʼë chʼabʼäq ri xatzʼët, ryeʼ xtkixöl kiʼ kikʼë ri winäq. Ye kʼa ma jnan ta xtuʼän kiwäch, kan achiʼel ri hierro ma nuxöl ta riʼ rkʼë ri chʼabʼäq. 44 Pa kiqʼij qa ri qʼatöy taq tzij riʼ, ri Dios ri kʼo chkaj, xtyaʼ jun rqʼatbʼäl tzij ri majun bʼëy xtchup ta rwäch chqä ma xtkanaj ta qa pa rqʼaʼ jun chik tinamït. Ri qʼatbʼäl tzij riʼ xtwulaj chqä xtchüp kiwäch jontir ri qʼatbʼäl taq tzij, chqä xa xuʼ ri qʼatbʼäl tzij riʼ xtkanaj qa xtbʼä qʼij xtbʼä säq, 45 achiʼel wä xatzʼët chë xbʼanatäj taq xesäx pä jun abʼäj pa rwiʼ ri jyuʼ, y ma yë ta jun winäq xbʼanö riʼ; y ri abʼäj riʼ xwulaj ri hierro, ri cobre, ri chʼabʼäq, ri plata chqä ri oro. Ri Nimaläj Dios xkʼüt chwäch ri qʼatöy tzij ri xtbʼanatäj chqawäch apü. Re achïkʼ reʼ kantzij xtbʼanatäj y ri rqʼalajsaxik kan ütz nakʼuqbʼaʼ akʼuʼx chrij».